ULANGAN 18:8 - Alkitab Singog In Mongondow Masa In Tanaa

⁸ Sia in mustibí motarima kon kaanon inta motongkai in kobayongnea ná imang mita ibanea; onu in nouḻínea nongkon koluarganea, nobaḻí doman tonsilainea.”

ULANGAN 18:8 Mawu Ofanana

TAWARIKH 2 31:4

Koḻikud intua ki datu nopotabá kon intau mita in Yerusalem nodia kon sosumba inta sinantú kon imang mita bo intau in Lewi sinbá mosia in motaaudon moposarakan in ḻimbatú in kobiagan monia kon oaidan kon Baḷoi Tuhan ná inta ain pinais kon bonu in hukum mita i Tuhan.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

NEHEMIA 12:47

Kon tungkuḷ i Zerubabel bo kon tungkuḷ doman i Nehemia, bayongan in rayat Israel in nobogoi in sosumba sin pobantung pakéon muḷoi in singgai in mododondong mita bo moḷoḷukad mita kon ngara in Baḷoi Tuhan. Rayat in mobogoi in sosumba inta sinantú kon intau mita in Lewi bo intau mita in Lewi in mobogoi doman kon imang mita in tonsilai inta ain sinantú.

IMAMAT 27:30

Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan.

IMAMAT 7:14

Nongkon noyagi-yagimai in roti tongosilai in musti posumba kon i Tuhan, bo tua in nobaḻí silai i imang inta nogamá kon dugú in mahaḷuk tatua bo nopobutak kon mezbah mobaḻí kuruban dodamean.

PINOGIAPAN 18:21

Guman i Tuhan kon i Harun, “Bayongan sosumba mopuḷú noporsen in intau mita Israel ogoi-Ku kon intau mita in Lewi. Tuata in tonsilai monia mobaḻí toguḷopí in pinogaidan monia kon Ḷoḷaigan-Ku.

LUKAS 10:7

Kotantú kon tobatú baḷoi aka mogutun. Tarima onu in ogoi monia kon inimu. Sin intau inta mogaid in patusbí in sia motarima kon bungai in inaidannea. Donaai momampi-mamping mako kon pogutunan.

ULANGAN 18:7

dá sia in motaaubí mogundoi kon i Tuhan Allahnea saḷaku imang ná intau mita in Lewi ibanea inta nopobayá in oaidan kon tampat tatua.