ULANGAN 18:20 - Alkitab Singog In Mongondow Masa In Tanaa

²⁰ Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

ULANGAN 18:20 Mawu Ofanana

DATU MITA IMITÁNEA 13:19

Dá nabi inta nongkon Yohuda tatua dinumuduidon minayá in baḷoi in nabi nogoguyang tatua bo nongaan takinnea.

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

DATU MITA IMITÁNEA 18:27

Naonda in noutudon in singgai momangkoidon in ki Elia noningkuḻe kon i monia. “Koropotdon totok in mosambayang! Sia tua kan ilah? Degá yogot in sia mongamang, andeka minayá sinumapang. Andeka degá kon daḷanpa in sia! Andeka degá noḷoḷotpa, bo mustipa guḷungon monimu in sia!”

DATU MITA IMITÁNEA 18:40

Dá nogumandon in ki Elia, “Domok in nabi mita in Baal tatua! Dika pomayá mako in tobatúmai in mokoḷagui!” Bo intau mita in nodomokdon kon nabi mita in Baal tatua, onda intua dinia i Elia in mosia kon Ongkag in Kison bo iḻimodnea kon tua in mosia komintan.

YEREMIA 2:8

Imang mita diá in moḻibó kon onda in Akuoi, Tuhannea. Intau mita inta nokadai kon hukum in diá doman nonotaau mongo ki ine in Akuoi, mongongawasa mita in nomarontak kon i-Nakó. Nabi mita in mosingog podoyon kon tangoi in Baal, bo nosumba kon berhala inta diá in baragunanea.”

YEREMIA 23:30

Akuoi in moḷawangbí kon nabi mita inta nopotaau in koyow nongkon yobayatnea, bo noguman kon tua in koyow nongkon i-Nakó.

YEREMIA 23:31

Akuoi in moḷawangbí doman kon nabi mita inta nopotaau in tosingogonnea mita tontaní, bo noguman kon tua in nongkon i-Nakó.

YEREMIA 26:11

Imang mita bo nabi mita in noguman kon pojabat mita tatua takin rayat, “Intau tanaa in patusbí hukumon matoi sin nosingogdon in sia kon tosingogon ponayow kon kotá naton naa. Moiko tontaní ain nokodongog kon tua.”

YEREMIA 27:15

Mosia in gumuman kon mosia in mosingog podoyon kon tangoi i Tuhan, táe mosia in monguboḷ. Ki Tuhan tontaní in noguman kon Sia in diábí nopotabá kon i monia. Tuamai in potabudon bo yopúon-Neabí in ki Tuang Datu takin nabi mita inta ain nonguboḷ kon i Tuang Datu.”

YEHEZKIEL 13:6

Oontongon mita monia in diábí totuu bo toḷanow mita monia in tongábí uboḷ. Mosia in tumangoi kon nodia kon koyow nongkon i-Nakó, bokaka Akuoi in diábí nokoimontanmai in nopotabá kon i monia. Yo naondabí in pongongamang monia kon mobaḻí in toḷanow monia?

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

ZAKHARIA 13:3

Bo aka oyúonpa doman in intau inta noguman kon sia in mopotaau in koyow, yo ki amá bo ki ináneadon tontaní in moguman kon inia kon sia in musti hukumon dapot in matoi, sin uboḷbí in siningognea tua, sia in tumbukonbí i amá bo inánea tontaní modapot in matoi.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 17:12

Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

ULANGAN 18:21

Degá moiko in moḻibó kon bonu in gina, ‘Naonda in kototaau monimu kon koyow in nabi tobatú tua in nongkon i Tuhan andeka deeman?’

ULANGAN 18:22

Aka nabi tobatú mosingog podoyon kon tangoi i Tuhan, táe onu in siningognea tua diá noniata, dá tosingogonnea tatua in deemanbí nongkon i Tuhan. Nabi tatua in mosingogbí pinodoyon kon tangoinea tontaní bo dikabí in moiko moondok kon inia.”

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

HAKIM MITA 2:15

Pomuḷoi in mosia mayá moparang, ḷawangon i Tuhan in mosia, ná inta ain pinopotoingat-Nea kon i monia. Dá mosia in kino antugandon in yoyiga inta totok in moḷoben.