ULANGAN 18:18 - Alkitab Singog In Mongondow Masa In Tanaa

¹⁸ Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.

ULANGAN 18:18 Mawu Ofanana

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

IḶUAIAN 4:12

Tanaa mako, bayádon, Akuoi in motuḷung kon inimu mosingog bo motundú kon onu inta musti pogumanmu.”

IḶUAIAN 4:15

Pongongumandon takinnea bo potaaudon kon inia onu inta musti singogonnea. Akuoi in motuḷungbí kon i namunda bo motundú kon onu in musti singogon bo aidan.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

YESAYA 51:4

Taridiaidon in singog-Ku, ei bangusa-Ku, indongogaidon in tosingogon-Ku mita, ei umat-Ku. Inogoi-Ku in totundú-Ku kon bangusa mita, hukum-Ku mita in monimbayag kon i monia.

YEREMIA 1:9

Onda intua ki Tuhan nopotuntun in ḻima-Nea, bo noḻiai kon bibigku bo noguman, “Indongogai bo potaaudon in singog mita inta potaau-Ku naa.

HOSEA 12:14

Ki Tuhan in nopotabá kon nabi tobatú sin modia kon intau in Israel ḷumuai kon nongkon pinononggataan kon Mesir, bo moḷukad kon i monia.

AMOS 2:11

Akuoi in nomiḻídon kon tongonumai in adímu mita sin mobaḻí nabi, bo tongonumai in tayowmobiagmu sin mobaḻí intau Nazir. Totuubí intua, ei intau mita in Israel? Akuoi, ki Tuhan ain nosingog.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

PINOGIAPAN 12:13

Dá nokuanidon in ki Musa kon i Tuhan, “O Allah, poigumonku kaasí, undamaipa in sia!”

PINOGIAPAN 23:16

Ki Tuhan nokipodungkuḷ kon i Bileam bo nopotaau kon inia in onu inta musti singogonnea, bo dongka nopotabá bui minayá kon i Balak sin mopotaau in koyow i Tuhan tua.

PINOGIAPAN 23:5

Bo pinotaaudon i Tuhan kon i Bileam in onu inta musti singogonnea, bo nopotabá bui kon inia mayá kon i Balak sin mopotaau in koyow i Tuhan kon inia.

LUKAS 24:19

Dá ki Yesus in noḻibó doman, “Onu intua?” Tubag monia doman, “Soaḷ inta nobaḻí kon i Yesus intau in Nazaret tua. Sia tua in tobatúbí nabi. Singog bo oaid-Nea mita totokbí in mokawasa – pinomayá kon mata i Allah andeka kon mata in bayongan intau.

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 17:18

Ná ki Amá nopotabá kon i-Nakó namangoi in dunia naa, dá natua doman in Akuoi mopotabá kon i monia kon dunia naa.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 4:25

Bobay tatua in noguman kon i Yesus, “Kinotaauankubí kon Datu Mopoposaḷamat (inta sinangoi ki Kristus) in mamangoibí. Aka Sia mamangoi, potaau-Neabí in bayongan in yagi-yagi kon i naton.”

YOHANES 8:28

Manangka intua ki Yesus in noguman kon i monia, “Bain poḷantudon monimu in ki Adí Intau, bain tua bo kotaauan monimu kon Akuoibí naa in Sia inta sinumangoi ‘AKUOI OYÚON’, bo kotaauandon monimu kon diábí in tobatúmai in pinomia-Ku inta nongkon ibog-Ku tontaní. Akuoi in tongábí moguman kon onu inta sinundú i Amá-Ku kon i-Nakó.

OUMAN IN RASUL MITA 3:22

Ki Musa nokoimontan doman in noguman nanaa, ‘Ki Tuhan, ki Allahmu in nopotabá kon inimu kon tobatú nabi inta nongkon butá monimu tontaní, naonda bo nopotabá in Sia kon inakó.

OUMAN IN RASUL MITA 7:37

Siabí doman tua inta noguman kon bangusa in Israel, ‘Ki Allahbí in mobogoi kon inimu in tobatú nabi inta piniḻí-Nea kon sigad monimu, ná Sia ain nomiḻí kon inakó.’

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.

ULANGAN 33:5

Kon dodai in Israel noyosipun takin itoinea mita, ki Tuhan in nobaḻí Datu kon umat-Nea.”

ULANGAN 34:10

Kon Israel in diá bidon in nabi ná ki Musa inta nongonguman i Tuhan noyogintayowan.

ULANGAN 5:5

Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

TIMOTIUS 1 2:5

Sin tongábí totobatú in ki Allah bo tongábí doman tobatú in mononigad kon intau bo kon i Allah, Sia tuata in ki Kristus Yesus.

IBRANI 7:22

Tuamai in ki Yesus nobaḻí jaminan in tobatú dodandian inta totuu mopia.