ULANGAN 18:13 - Alkitab Singog In Mongondow Masa In Tanaa

¹³ Dá pogundoidon in moiko kon i Tuhan Allahmu takin ḻimbatú in ginamu.”

ULANGAN 18:13 Mawu Ofanana

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

DATU MITA IMITÁNEA 8:61

Moiko umat-Nea in mustibí umuran mosatia kon i Tuhan, Allah naton bo motoindudui kon hukum mita bo parenta-Nea mita ná inta pinomia monimu singgai naa.”

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 1:8

Bo ki Tuhan in noḻibó, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau inta ná kotoindudui bo ná kopopia in ginanea. Sia in nosumba kon i-Nakó bo diábí nogaid kon tobatúmai in moraat.”

MAZMUR 37:37

Tondudutka in intau mopia bo motuḻid in gina; intau inta moibog in dodamean mopiabí in kobiagannea moiduduimai.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

PILIPI 3:12

Akuoi in diábí moguman kon nosompurnadon in akuoi. Táe umuranbí batukonku in tombuinag inta sinadia i Yesus Kristus. Sin tuabí in mangaḻe pinodomokan-Nea kon inakó bo binaḻí-Neadon in akuoi kapunyaan-Nea.

PILIPI 3:15

Manangka intua kita inta ain noguyang in pirisaya umuran morai natua. Bo aka oyúon in kon sigad monimu in diá notongkai in raiannea, dá insilanganbí i Allah intua kon i monimu.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

WAHYU 3:2

Manangka intua pobangondon bo irigonai onu inta oyúonpa kon i monimu kon dodai in tua komintan diápa matoi. Sin diápa tobatúmai nouḻí-Ku in inaidan monimu inta nosompurna kon tayowon i Allah.