ULANGAN 18:10 - Alkitab Singog In Mongondow Masa In Tanaa

¹⁰ Kon sigad monimu dikabí in moposumba kon i adínea mita mobaḻí kuruban payongon. Bo dikabí tobatúmai in mobaḻí mononanow, motayak kon tanda mita, momaké in totaau ande

ULANGAN 18:10 Mawu Ofanana

KINOBAḺIAN 44:5

Nongonu sin moiko in nonakowbí kon piala saḷaka i tuangku? Piala tatua pakéonneamai pongonginuman bo alat pooindoian kon onu in mobaḻí kon singgai moiduduimai. Moiko nogaidon kon inta totok in moraat!’ ”

DATU MITA 2 16:3

Nobiag in sia naonda bo datu mita in Israel, noidapot in noposumba in adínea ḷoḷaki tontaní nobaḻí kuruban kon dewa, podudui in kabiasaan moraat in intau mita inta ain pinoguntun i Tuhan nongkon butá in Kanaan kon tungkuḷ in intau in Israel sinumuot kon butá tatua.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 23:24

Kon mopoaid in hukum mita inta pinais kon bonu in buk inta nouḻí i Imang Moḷoben ki Hilkia kon Baḷoi Tuhan, bayongan in mogogoiní kon dimukud bo mononoḻindap in pinoguntun i Datu Yosia nongkon Yerusalem bo nongkon bayongan in Yohuda, bo iḷumbúnea in bayongan dewa in tonibuḷoi, berhala, bo pakakat mita inta pinaké kon posumbaan kon dewa mita.

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

TAWARIKH 2 28:3

poḷat notubá kon dupa kon Ḷopá in Hinom. Nodapot in ki adínea ḷoḷaki tontaní in pinosumbanea nobaḻí kuruban kon berhala, podudui in kabiasaan diá mopia in intau mita inta ain pinoguntun i Tuhan nongkon butá mita in Kanaan kon tungkuḷ in intau mita in Israel sinumuot kon butá tatua.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

IḶUAIAN 22:17

Táe aka ki amánea diá mobogoi kon ḷoḷaki tatua motonibuḷoi takin i adínea, yo ḷoḷaki tatua mustibí moguboḻi kon i amá in bobay tatua inta kobayongnea podudui in oadatan aka mongodeagapa inta diápa dodai onda in pinobuḷoi.

IḶUAIAN 22:18

Bayongan bobay inta mongonggaing musti ḻimodon.

YESAYA 47:13

Iko in nororigadon popisí in nobayong in tonggina. Potabádon in mononoḻindap mita simindog moposaḷamat kon inimu; mosia inta ain nonaridi kon sinangkub in siup in ḷangit bo nobalajar kon kaadaan in tundi mita, bo kon pomuḷoi in buḷan mobagu monoḻindap kon onu inta mobaḻí ukurmu.

YEREMIA 27:10

Mosia in monompobaḻik kon i monimu dá moiko in dinia noyayú nongkon butámu. Akuoi in mopoguntunbí kon i monimu nongkon butámu bo moputú in moiko.

YEREMIA 27:9

Dikadon mokidongog kon nabi mita andeka ki ineka doman inta mongampag kon i monimu mokiompu kon i datu in Babel, umpaka in mosia ain nongaku kon notarimadon kon topotundú nongkon togoindop, dimukud mita, andeka nopomaké in totaau mita.

YEREMIA 32:35

Mosia in noposindog in mezbah mita kon i Baal kon Ḷopá in Hinom, bo noposumba in adí mita monia kon i Dewa Molokh. Bokaka, Akuoi in diábí nokoimontanmai in nokiaid in natua kon i monia, noidapotbí in diábí kon dodai in onda in noigonúmai kon gina-Ku kon mosia in mogaid kon inta totok in moraat natua bo mokopopisí kon intau in Yohuda baradosaan.”

YEREMIA 7:31

Mezbah tobatú inta sinangoian Topet ain pinosindog monia kon Ḷopá in Hinom sin moposumba kon i adí mita monia nobaḻí kuruban payongon. Bokaka Akuoi in diábí kon dodai in onda in nopotabá kon i monia nogaid kon tua, nodapot in diábí kon dodai in onda in ná tatua in nomuká kon bonu in raian-Ku.

IMAMAT 19:26

Dika mokaan kon dugú. Dika momaké in totaau mita pongonggaing.

IMAMAT 19:31

Dika mayá moigum kon tonggina in boḻian mita inta umuran moḻibó kon dimukud in intau mita inta ain minatoi. Aka aidan monimu intua yo moiko in mobaḻí monajis. Akuoi in ki Tuhan Allahmu.

IMAMAT 20:6

Intau inta mayá moigum kon tonggina kon boḻian inta mogoinímai kon dimukud in intau inta ain minatoi in hukumon-Kubí bo diádon iapon-Ku anggota in umat-Ku.

MIKHA 5:12

Rimumudon-Kubí in patongmu mita bo tugu mita karamatmu; moiko in diá bidon bui mosumba kon pakakat mita inta inaidan in ḻimamu tontaní.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

OUMAN IN RASUL MITA 19:19

Dá bayongan in mogogonow tatua nosipundon kon buk notes mita monia bo sinokotubá kon tayowon intau moantó. Boḻi in buk notes mita tatua aka rekengon mangoi degá ḻima nopuḷú noribu in doit saḷaka.

OUMAN IN RASUL MITA 8:9

Kon kotá tatua oyúon in tobatú ḷoḷaki tangoinea in ki Simon. Noonggotdon in sia in mogaidmai kon soaḷ mita inta totok mokoherang kon bayongan in intau kon ḻipú tatua, sin sia in mosihirmai. Bo sia in nongaku kon bayongan intau kon tua, kon sia in totok motoyang.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

ULANGAN 12:31

Pososumba in bangusa mita tatua kon ilah mita monia, dikabí dayanan monimu kon mosumba kon i Tuhan Allahmu, sin mosia in mosumba takin momia kon oaid mita inta mokotor inta kinodoí i Tuhan. Nodapot in adí mita monia tontaní tubáan monia kon tudu in mezbah mobaḻí kuruban kon i ilah mita monia.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 28:3

Ki Samuel ain minatoi bo inombaḷan in sia in bayongan intau in Israel bo iḷobong kon Rama, kotánea tontaní. Bo ki Saul in nopoguntundon in bayongan mododoyangow bo doduataan inta nogutun kon Israel.

SAMUEL 1 28:7

Tuamai ki Saul in noguman kon tontaranea mita inta moḷukadmai kon inia, “Potayakaipa kon bobay tobatú inta doduataan, mayá in akuoi kon inia sin mopoigum in totundú.” Mosia in notubag, “Kon En-Dor oyúon in intau ná tatua.”

SAMUEL 1 28:8

Bo ki Saul nogiḷambungdon in ḷambung ibanea sinbá diá kotaauan in intau kon sia intua. Kotaki-takin in intau ḷoḷaki doyowa, nobuatdon in sia bo noyaputdon kon baḷoi in dodatuan tatua in doḷom tua in sia. Bo noguman in ki Saul kon inia, “Oinídon in dimukud in intau inta tangoionku in tangoinea, bo poigumdon sinbá potaaunea onu in mobaḻí.”

SAMUEL 1 28:9

Bobay tatua in notubag, “Tantú kinotaauan bidon i Tuang kon ki Datu Saul in nopoguntundon nongkon Israel in bayongan mododoyangow bo mogogoiní kon dimukud. Nongonu sin ki Tuang in monungkuḷbí mopobodito kon inakó modapot ḻimodon in akuoi?”