ULANGAN 17:17 - Alkitab Singog In Mongondow Masa In Tanaa

¹⁷ Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.

ULANGAN 17:17 Mawu Ofanana

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

SAMUEL 2 12:11

Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

SAMUEL 2 5:13

Naonda in ki Daud nomamping nongkon Hebron bo minayá in Yerusalem, buipa in sia nononibuḷoi kon tongonumai in bobay bo nogamá doman kon tongonumai in bobay sin binaḻínea buḷoi inta diá inika; dá nodugangdon in kobayong in adínea ḷoḷaki bo bobay.

DATU MITA IMITÁNEA 10:21

Komintan pakakat pongonginuman i Salomo in pinomia nongkon buḷawan, bo bayongan in pakakat kon Baḷoi Kayuon in Libanon in pinomiabí doman nongkon buḷawan taakan. Diábí in pinomia nongkon saḷaka, sin kon tungkuḷ i Salomo saḷaka tua in anggaponbí in intau diá in mangaḻenea.

DATU MITA IMITÁNEA 10:27

Kon bonu in pinomarentaan i Salomo, saḷaka in nobaḻíbí pakakat inta biasamai tongádon naonda bo batu, bo kayu ḷokuyú in mobarong doman totok naonda bo kayu ara biasa.

TAWARIKH 1 14:3

Kon Yerusalem ki Daud bui nononibuḷoi kon tongonumai in bobay, bo nokouḻí bui kon adí mita.

TAWARIKH 2 1:15

Kon dodai in ki Salomo nomarenta, buḷawan bo saḷaka in nobaḻídon pakakat biasa kon Yerusalem, nádon onda bo batu; bo kayu ḷokuyú in Libanon nobayongdon totok nádon onda bo kayu ara biasa.

TAWARIKH 2 11:21

Ki Rehabeam in kobuḷoi kon mopuḷú bo waḷu bo pahang in onom nopuḷú, doyowa nopuḷú bo waḷu in adí ḷoḷaki bo onom nopuḷú in adí bobay. Kon sigad in bayongan i buḷoinea bo i pahangnea tatua, ki Maakha inta totok in kinotabinea.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

AMSAL 31:3

Dika imibo-ibog in mopomaké in ropotmu andeka mongurab kon ropotmu kon bobay. Nobarongdon in datu inta norimumud popisí in bobay.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 19:5

Bo Pirman-Nea in noguman, ‘Manangka intua ḷoḷaki in monaḷámai kon i amá bo kon i inánea bo motobatú takin i buḷoinea, sahingga taya dua motobatúdon kon awak.’

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.