ULANGAN 17:14 - Alkitab Singog In Mongondow Masa In Tanaa

¹⁴ “Aka butá inta inogoi i Tuhan Allahmu kon inimu ain nobaḻí kapunyaanmu, bo moiko in nogutundon kon tua, bo degá moiko in moparaḷudon kon datu ná bangusa mita inta nogutun kon diugmai monimu.

ULANGAN 17:14 Mawu Ofanana

IMAMAT 14:34

in atorang mita soaḷ baḷoi inta kinodakitan in ponopadan inta ḷumekep. Atorang mita tanaa pinaké naonda in bangusa Israel sinumuot kon Kanaan, butá inta inogoi i Tuhan kon i monia.

PINOGIAPAN 33:53

Butá tatua musti agowon monimu bo poḷat ḻitúai, sin ogoi-Kudon kon inimu.

ULANGAN 11:31

Diádon moonggot bo moiko in ḷumoḷandon kon Ongkag in Yordan bo ḻimitúdon kon butá inta ogoi i Tuhan Allahmu kon inimu. Naonda in moiko mogagow kon butá tatua bo mogutun kon tua,

ULANGAN 18:9

“Aka moiko tumuotdon kon butá inta inogoi i Tuhan Allahmu kon inimu, dikabí dumayan kon kororaat inta inaidan in bangusa mita kon tua.

ULANGAN 26:1

“Aka moiko tumuotdon kon butá inta inogoi i Tuhan Allahmu kon inimu bo mogutundon kon tua,

ULANGAN 26:9

Onda intua dinia-Mu in kami namangoi in naa bo nobogoi in butá inta nooyúon bo mopia naa kon inami.

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

YOSUA 1:13

“Pokotorop! Ki Musa mogogundoi i Tuhan tua ain noguman kon inimu kon butá inta kon dotá in pomukaan kon Ongkag in Yordan naa in ogoi i Tuhan Allahmu kon inimu mobaḻí butámu.

YOSUA 21:43

Natuata in pinobobogoi i Tuhan kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 10:25

Noiduduimai kon tua ki Samuel noginsilang kon bangusa tatua soaḷ hak bo kowajiban in datu, bo pinaisnea kon bonu in buk inta sinagúnea kon tampat inta motusi. Nopaḷut mako kon tua ki Samuel nopotabá kon bayongan in bangusa tatua nobui kon baḷoinea-baḷoinea.

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 16:3

Bo oinídon in ki Isai kon upacara pobogoian kon kuruban tatua. Bain poguman-Ku onu in musti aidanmu. Intau inta tundúon-Ku kon inimu, musti duíonmu mobaḻí datu.”

SAMUEL 1 8:11

“Nanaa in bain popoaid i datumu kon i monimu,” natuata in pinogoginsilang i Samuel. “Pakisaanneadon in ki adímu mita tumuot in tontara; tongosilai nongkon i monia mobaḻí tontara inta tumakoi kon kereta, tongosilai doman in kon kabaḷo, bo ibanea mako in tontara inta maya-mayá in sioḷ.