ULANGAN 17:12 - Alkitab Singog In Mongondow Masa In Tanaa

¹² Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

ULANGAN 17:12 Mawu Ofanana

EZRA 10:8

Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

MAZMUR 19:13

Diábí in mokomangaḻe kon kinoḷaḻeannea; Tuhan, poḷuatdon in akuoi nongkon taḷá inta noibuni.

AMSAL 21:11

Hukuman kon intau mononingkuḻe in mobaḻí topotundú kon intau inta diá kopongalaman. Aka intau mopia in toboḷowon, modugang in sia mobijaksana.

HOSEA 4:4

Ki Tuhan in noguman, “Ei imang mita, dikabí in moiko mopotaḷá andeka tumorú kon umat-Ku, sin moikobí in potaḷáan-Ku!

ZAKHARIA 3:7

“Aka iko tumoḷutui kon hukum-Ku mita bo mopobayá in oaidan mita inta inogoi-Ku kon inimu, dá modapot in kon singgai moiduduimai iko umuran motaau mobaḻí itoi kon bonu in Baḷoi-Ku bo monompiamai kon palasnea. Akuoi in mokidongogbí kon sambayangmu mita, naonda bo Akuoi mokidongog kon sambayang in malaekat inta kon diug-Ku.

PINOGIAPAN 15:30

Táe aka intau in Israel tobatú andeka intau ango-angoi tobatú sinumuodon nogaid kon dosa, sia ain nopoompámai kon i Tuhan. Intau tatua musti hukumon dapot in matoi,

PINOGIAPAN 15:31

sin sia ain noḷawang kon i Tuhan bo sinumontuondon noḷawang kon parenta i Tuhan. Intau tatua minatoi sin popisí in taḷánea tontaní.

MATIUS 10:14

Bo aka oyúon intau doí motarima kon i monimu bo doí doman mokidongog kon singogmu, yo ḷuai bo taḷaaidon in baḷoi bo kotá tatua bo topirai in ḷobud kon sioḷmu.

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

YOHANES 20:23

Aka moiko in mongampung kon dosa in tobatú intau, yo ampungan doman i Allah in sia. Aka diá ampungan monimu in dosa in tobatú intau, dá diábí doman ampungan i Allah in sia.”

ULANGAN 1:43

Pinotaauku kon i monimu in onu inta pinoguman i Tuhan, tongá doíbí in moiko nokidongog. Moiko noḷawang kon parenta i Tuhan, bo takin tagadoḷá minayá in moiko kon buḷud tatua.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

ULANGAN 13:11

Dá bayongan in bangusa Israel mokodongogdon kon pinoḻimodan tatua bo mobaḻídon motoguondok, dá diádon tobatúmai in momia kon inta moraat ná tatua bui.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 17:13

Bayongan intau in mokodongogdon kon tua bo agíandon in ondok, dá diá bidon in mokobaḻí mogaid kon natua.”

ULANGAN 17:7

Sakusi mita in musti muna mogandur in batu inta muna kon intau tatua, bo duduiai in bayongan rayat. Aid tatua moponiata kon moiko in monginggamá kon aid moraat tatua.

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

ULANGAN 18:5

Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

ULANGAN 18:7

dá sia in motaaubí mogundoi kon i Tuhan Allahnea saḷaku imang ná intau mita in Lewi ibanea inta nopobayá in oaidan kon tampat tatua.

TESALONIKA 1 4:2

Sin kinotaauan bidon monimu in totundú mita inta pinotaau nami kon i monimu pinodudui in kawasa i Tuhan Yesus.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

YOSUA 1:18

Bayongan in intau inta doí dumudui kon parentamu bo doí mokidongog kon tosingogonmu, in hukumon matoi. Pokoyakin bo pokobarani in iko!”

HAKIM MITA 20:13

Ogoidon in intau mita moraat nongkon Gibea tua kon inami sinbá ḻimodondon nami in mosia bo bá inggamáandon in aid moraat tatua kon sigad in Israel.” Táe intau in Benyamin in diábí nokidongogmai kon tosingogon in intau mita in Israel ibanea tatua.

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.