ULANGAN 16:7 - Alkitab Singog In Mongondow Masa In Tanaa

⁷ Tuondon in ponoyá tatua bo kaan kon tampat inta ain piniḻí i Tuhan Allahmu, bo pobuidon kon baḷoimu mobangon monik doḷo-doḷom.

ULANGAN 16:7 Mawu Ofanana

DATU MITA 2 23:23

Tongábí kon taong impuḷú bo waḷu kon pinomarentaan i Yosia tatua bo Paska in bui irame kon Yerusalem sin mohoromat kon i Tuhan.

TAWARIKH 2 35:13

Bo intau mita in Lewi nogangag kon kuruban in Paska tatua kon tudu in tuḷú podudui in atorang, bo notuon kon kuruban mita inta ain sinantú kon bonu in kawaḻi, dandang bo kuyon, onda intua tapúnea in ḷagidon sinilai kon intau mita.

YOHANES 11:55

Wakutu intua motoyongdon Singgai in Paska intau Yahudi. Nobayongdon intau nongkon ḻipu-ḻipúannea in minayádon in Yerusalem sin mopobayá in adat pondaritan kon awak kon wakutu in diápa singgai porayaan tatua.

YOHANES 2:13

Naonda in Singgai Moḷoben Paska in Intau Yahudi nodiugdon, ki Yesus minayá in Yerusalem.

YOHANES 2:23

Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

ULANGAN 16:2

Bayádon kon tampat inta piniḻí i Tuhan kon porataan kon tobatú bembé domba ande sapi mobaḻí sosumba Paska sin mohoromat kon i Tuhan Allahmu.