ULANGAN 16:22 - Alkitab Singog In Mongondow Masa In Tanaa

²² bo dika moposindog in oigi sin posumbaan kon berhala, sin ki Tuhan Allahmu in doíbí kon oaid natua.

ULANGAN 16:22 Mawu Ofanana

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

DATU MITA 2 17:10

Kon tudu in batúan buḷud bo kon siungon in bayongan in kayu inta mongobambar, noposindog in mosia in tugu mita bo patong mita i Dewi Asyera.

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

ZAKHARIA 8:17

Dika monomayá kon inta moraat kon tumpaḷa intau. Dika mongibot kon uboḷ. Kodoí-Ku in inta uboḷ bo inta diá moadil bo aid moromú.”

ULANGAN 12:31

Pososumba in bangusa mita tatua kon ilah mita monia, dikabí dayanan monimu kon mosumba kon i Tuhan Allahmu, sin mosia in mosumba takin momia kon oaid mita inta mokotor inta kinodoí i Tuhan. Nodapot in adí mita monia tontaní tubáan monia kon tudu in mezbah mobaḻí kuruban kon i ilah mita monia.

ULANGAN 4:16

Dá ḷukadaidon sinbá moiko diá modapot in baradosaan sin mogaid kon patong inta sumbáan monimu tontaní naondaka in batangannea, ḷoḷaki ande bobay,

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 4:25

Ná doman tua aka moiko moonggotdon in mogutun kon butá tatua bo mononggadí dapot in mononggompu, yo dika baradosaan popisí in momia kon patong naondaka in batangannea sin sumbáan monimu. Oaid natua in oaidbí moraat kon tayowon i Tuhan Allahmu bo mokopopisídon kon i-Nia tumorú.

WAHYU 2:15

Ná doman tua, oyúon doman in kon sigad monimu in intau mita inta kinumadai kon totundú mita i Nikolaus.

WAHYU 2:6

Tongá oyúonpabí doman in mopia kon inimu: Kinodoí monimu oaid in dumodudui mita i Nikolaus, inta kinodoí-Ku doman.