ULANGAN 16:19 - Alkitab Singog In Mongondow Masa In Tanaa

¹⁹ Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

ULANGAN 16:19 Mawu Ofanana

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

IḶUAIAN 23:2

Dika moibog moyokapog in intau mobarong aka mosia mogaid kon moitaḷá andeka mopotabat in atorang takin mopoyaput in tosingogon inta diá totuu.

IḶUAIAN 23:3

Dika mopoyoposi in intau aka kon ponantúan kon taḷá, umpaka intau inta pinoyotutui tatua in intau diá koonu bo onu.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

AMSAL 17:23

Hakim inta diá moadil, in umuni-uni motarima kon doit posogó bo diábí in sia mopobayá in onu inta moadil.

AMSAL 18:5

Diábí mopia in moduḷu kon intau moromú bo mondorot kon intau inta diá kotaḷá.

AMSAL 24:23

Intau inta moarip nokoimontandon in noguman nanaa: Hakim in diábí motaau in mobogat kon toḷosi.

AMSAL 24:28

Dikabí mobaḻí sakusi kon intau ibanea aka diá in dodoyonan inta morigon; dika doman monguboḷ kon tumpaḷa intau.

AMSAL 31:5

Sin, aka datu monginum kon oinumon mokoḷoḷangu, yo koḻionganneadon in hukum bo hak in intau moyangkó.

MOHOHUTUBA 7:7

Aka intau mopandoi bo monguboḷ, yo nobodokdon in aidnea; aka intau bo motarima kon sogó in pelekara, yo nogoguyaatdon in raiannea.

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

HABAKUK 1:4

Hukum in diá pinandungmai bo inta moadil in diábí pinosindog. Intau moraat in moiḻiu kon intau inta mojujur, dá inta moadil in poyotuuion.

OUMAN IN RASUL MITA 10:34

Bo ki Petrus in noguman, “Bain naa bo kinotaauanku kon naanta pinoyotongkaibí i Allah in bayongan intau.

OUMAN IN RASUL MITA 16:37

Táe ki Paulus in noguman kon intau inta pinotabá monia tatua, “Kami naa intaubí doman in Rum. Diápa kinotaauan monimu in kami mongo noitaḷá andeka diá, táe kami in sinambokdon muna monimu kon tayowon intau moantó bo pinobonu kon ponjara. Bo tanaa mosia in mopotabádon kon inami mayá takin umuni-uni? Doíbí in kami natua! Potabádon mangoi kon naa in pomarenta mita tatua bo momuḻi kon i nami.”

OUMAN IN RASUL MITA 23:3

Dá ki Paulus in noguman kon i imang moḷoben tatua, “Tokaponbí i Allah in iko, sin iko in intau inta momunapik inta ki ubo-uboḷmai motusi! Iko in iḻimitú kon nion sin mohakim kon inakó podudui in hukum i Musa, bokaka iko tontaní in moḷawang kon hukum tatua. Sin iko in nopotabábí kon intau monokap kon inakó!”

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’

ULANGAN 27:25

‘Kinutuk in intau inta notarima kon doit pinosogó sin moḻimod kon intau inta diá kotaḷá.’ ‘Amin!’

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 8:1

Naonda in ki Samuel nogoguyangdon, binaḻíneadon in ki adínea hakim kon Israel.

SAMUEL 1 8:3

Táe mosia in diá dinumudui kon dodia i amá monia, táe tongábí motayak kon kauntungan monia tontaní. Mosia in moibog uboḻian kon pelekara bo diá moadil in mohakim kon rayat.