ULANGAN 16:18 - Alkitab Singog In Mongondow Masa In Tanaa

¹⁸ “Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

ULANGAN 16:18 Mawu Ofanana

TAWARIKH 1 23:4

Bo 24.000 in intau kon sigad monia tua in pinoki aidan in oaidan kon Baḷoi Tuhan, 6.000 in moindoi kon administrasi bo pelekara mita in pongadilan,

TAWARIKH 1 26:29

Buí i Yizhar, in ki Kenanya bo adínea mita, inogoian in oaidan administrasi in negara bo oaidan mita in pongadilan kon Israel.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

IḶUAIAN 21:22

Aka tongonumai intau noropatoi, bo tobatú kon sigad monia tua noiruki kon tobatú bobay inta sidia nodapot in bobay tatua kinoukaian, táe diábí nodia kon inia dapot in minatoi, dá intau inta nokoruki tatua musti moguboḻi kon bobogoi podudui kon inta sinuntut i buḷoinea ḷoḷaki bo inta pinaḷut i hakim.

IḶUAIAN 21:6

dá ki tuangnea in mustidon modia kon inia kon tampat pooibadaan. Kon tua ata tatua pokisindogan bo umandoḷ kon ngara ande kon oigi in ḷoḻingkop tampat pooibadaan, bo ki tuangnea in musti momubú kon bongoḷannea, bo sia in mobaḻídon atanea modapot in sia matoi.

AMSAL 31:23

Ki buḷoinea ḷoḷaki in intau inta ponango-nangoian intau tobatú kon sigad in itoi mita in kotá.

MATIUS 5:21

“Moiko ain nokodongog kon onu inta ain pinoguman kon mogoguyang naton, nanaa: Donaai moḻimod; ki ine in moḻimod, yo hukumon.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

ULANGAN 16:17

podudui in komampuannea, podudui in kobayong rijiki inta inogoi i Tuhan Allahmu kon inia.”

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

ULANGAN 17:12

Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

ULANGAN 17:9

Potaaudon pelekaramu tatua kon imang mita Lewi bo kon hakim inta koyogot mopobayá in oaidan monia, bo pomayádon mako mosia monantú kon tua.

ULANGAN 21:2

dá guhanga bo hakimmu musti mayá mogukur kon koyayú in tampat inta kinouḻían kon mayat tatua mopobayá in kotá mita inta noyodiugan.

ULANGAN 25:1

Umpamanea intau in Israel doyowa minayá kon pongadilan sin mopongadu kon pelekara, bo inta tobatú in pinoniata kon diá kotaḷá, bo ibanea in kotaḷá.

SAMUEL 1 8:1

Naonda in ki Samuel nogoguyangdon, binaḻíneadon in ki adínea hakim kon Israel.