ULANGAN 16:16 - Alkitab Singog In Mongondow Masa In Tanaa

¹⁶ Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba

ULANGAN 16:16 Mawu Ofanana

DATU MITA IMITÁNEA 9:25

Kotoḷu in totaong in ki Salomo moposumba in kuruban payongon bo kuruban dodamean kon tudu in mezbah inta ain pinosindognea kon i Tuhan. Motubá doman in sia kon dupa kon i Tuhan. Natuata in ki Salomo noginḷapat kon Baḷoi Tuhan.

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

EZRA 3:1

Kon buḷan impitunea, intau mita in Israel nogutundon notantú kon kotánea-kotánea. Kon singgai imitánea buḷan tatua mosia in noyosipun kon Yerusalem,

NEHEMIA 8:15

Tuamai in kon sinangkup in Yerusalem kon kotá mita bo kon ḻipú mita, mosia in nopotaau in parenta tanaa, “Bayádon kon buḷud bo pogamá kon tanga mita in ḷokuyú, in zaitun, pangkoi in kayu ḷana, in palem bo pangkoi in kayu mita ibanea sin aidan ḷuḷung podudui in atorang kon bonu in Buk in Hukum.”

MAZMUR 122:4

Kon naa in angoian in bayongan in suku bangusa, suku mita in bangusa inta piniḻí i Tuhan, sin mopoyaput in sukur kon i-Nia podudui in parenta-Nea.

MAZMUR 84:7

Kon dodai in mosia minayá nongin ḷopá Mononoi, tampat tatua binaḷuian monia nobaḻí bokaká, uyan dungkuḷ nobogoi in barakat totuu mobayong.

MAZMUR 84:8

Ropot monia in kodugang-kodugang, kon tungkuḷ in minayá in Sion, kon tampat i Allah bayongan in dimukud nokipogontong.

MAZMUR 96:8

Dayow in tangoi-Nea inta moḷantud, bo diádon in kuruban kon bonu in Baḷoi-Nea.

IḶUAIAN 34:20

táe moiko musti motobut kon ki adí in keledai inta muna pinogadí takin moposumba in ki adí in domba tobatú inta mobaḻí toḻiunea. Aka moiko doí motobut kon tua, yo sigogow in keledai tatua musti putoḷon monimu. Bayongan adí monimu ḷoḷaki guya-guyang musti tobuton monimu. Diá tobatúmai intau motaau mamangoi kon i-Nakó aka sia diá modia kon sosumba.

IḶUAIAN 34:24

Naonda in mopaḷut mako Akuoi mopoguntun in bangusa mita nongkon tayowonmu bo dugangan-Kudon in kooḷad in butámu, diá tobatúmai intau in mobarani mogagow kon butámu kon dodai in moiko mayá sin morame kon Pesta Roti Diá in Ragi, Pesta Pobatunan kon Boyó bo Pesta Pondok Daun.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

YEHEZKIEL 36:38

Kotá mita inta norimumud in tanaa, kon singgai moiduduimai in mopuḻingbidon in intaunea naonda bo Yerusalem kon singgai mita moḷoben kon singgai dungkuḷmai, nopuḻing in domba mita inta pinosumba. Dá kotaauandon monimu kon Akuoibí in ki Tuhan.”

HAGAI 1:9

Moiko in mongamang mako kon bungai in boyó mobayong totok, táe nouḻí magí in tongábí topiḻik; bo dinia monimu kon baḷoi, táe bungai in boyómu tatua in inirup-Ku, dá nodait dinia in tompot. Nongonu sin inaidan-Ku intua? Tubagnea in nanaa: Popisí in Baḷoi-Ku umuranpa noton apug mako, bo moiko komintan in moḷongasidon moposindog in baḷoinea-baḷoinea.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MARKUS 12:3

Táe dinomok in mototomoyó mita tatua in bobantung tatua. Binongkug monia bodongka pinoki pobuian takin diá doman inogoian in onu bo onu.

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

ULANGAN 16:15

Pitu nosinggai in koonggotnea musti in moiko moraya kon singgai moḷoben tatua sin mohoromat kon i Tuhan Allahmu kon tampat inta ain piniḻí i Tuhan. Kosanangdon in gina, sin ki Tuhan ki Allahmu ain nomarakat kon bungai in boyó bo oaidanmu.

ULANGAN 16:17

podudui in komampuannea, podudui in kobayong rijiki inta inogoi i Tuhan Allahmu kon inia.”

ULANGAN 31:11

Moiko in mustibí mobaca kon hukum mita tanaa koḷangonon kon tayowon in intau mita in Israel inta mamangoi mosumba kon i Tuhan Allahmu kon tampat inta piniḻí-Nea.

SAMUEL 1 1:3

Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.

SAMUEL 1 6:3

Bo mosia in notubag, “Poti Dodandian i Allah in Israel tatua in dikabí tongá pobuion mako monimu natua, táe mustibí takinan in tombuinag sin potobut kon dosamu. Aka aidan monimu in natua dá undamandon in moiko, bo kotaauandon monimu nongonu sin ki Allah in Israel tatua in tantúbí mohukum kon i monimu.”