ULANGAN 16:13 - Alkitab Singog In Mongondow Masa In Tanaa

¹³ “Naonda in bayongan gandummu mopaḷutdon rata bo bayongan bungai in anggurmu nopaḷutdon pinugut, moiko in musti moraya kon Singgai Moḷoben Pondok Daun pitu nosinggai in koonggotnea.

ULANGAN 16:13 Mawu Ofanana

TAWARIKH 2 5:3

Dá namangoidon in mosia komintan kon Singgai Moḷoben in Ḷuḷung in Daun.

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

EZRA 3:4

Mosia in norame doman kon Singgai Moḷoben in Pondok Daun, podudui in atorang; bo pomuḷoi in singgai moposumba in kuruban inta ain sinantú kon singgai tatua.

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IḶUAIAN 34:22

Porameaidon in Pesta Posipunan kon Boyó kon sempo in moiko mogamá kon bungai in gandum inta ḷontú. Porameaidon doman in Pesta Pondok Daun kon buit in taong, kon dodai in moiko mosipú kon bungai in ayop.

YEREMIA 40:10

Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

PINOGIAPAN 15:20

Aka moiko motubá kon roti inta pomiaan nongkon gandum inta muna iratab, yo roti tatua musti poposumba mobaḻí kuruban inta sinondí kon i Tuhan. Moposumba intua in naonda bo moposumba in gandum dungkuḷ inta giniḻing monimu.

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

ULANGAN 31:10

Sia in nomarenta kon i monia, “Kon buit in taong noginpitu, kon taong pomopatan kon boḻi kon Singgai Moḷoben in Pondok Daun,