ULANGAN 15:7 - Alkitab Singog In Mongondow Masa In Tanaa

⁷ Aka moiko bo mogutundon kon butá inta inogoi i Tuhan Allahmu kon inimu, bo kon tobatú in kotámu oyúon in intau tobangusamu inta kinodaitan, dikabí tongá morai kon kobiaganmu tontaní bo doí motuḷung kon inia.

ULANGAN 15:7 Mawu Ofanana

NEHEMIA 5:1

Diá noonggot kon tua nobayong in intau in Yahudi, pinomayá ḷoḷaki andeka bobay, nomangkoidon mogamui kon oaid in intau mita inta tobangusanea.

ESTER 9:19

Tuamai in intau Yahudi inta nogutun kon kotá mita mointok nomia kon tompoingat kon singgai impuḷú boopatnea kon buḷan Adar nobaḻí singgai inta nokoḷunganga, singgai poramean poḷat mosiogoian in tombuinag ná kokaanon mita.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

YESAYA 58:10

Ogoiaidon in kaanon kon intau inta gogoyon bo tuḷungaidon in intau mita inta dinorot. Aka moiko mogaid kon natua, dá sindip kon ḻibumumai in mobayagdon ná singgai.

IMAMAT 25:35

Aka intau tobangusamu inta nogutun kon sigad monimu nobaḻí nobogá bo diádon mokotompia kon kobiagannea tontaní dá musti bantungan monimu in sia naonda bo intau ango-angoi ande mokokiangoi, sinbá sia umuranpa mobiag kon sigad monimu.

MATIUS 18:30

Táe diábí inindongoganneamai in singog in yobayatnea tatua bo binayánea pinobonu kon ponjara nodapot in inuboḻiannea nodait in boḻinea tatua.

MATIUS 5:42

Ogoiai monag in intau inta moigum bo donaaidon mogindoí kon intau inta mamangoi moḷuan kon inimu.”

ULANGAN 15:11

Kon sigad in intau Israel umuranbí oyúon in tongonumai intau inta mobiag mobogá bo kinodaitan in pakéon. Tuamai in akuoi moguman kon i monimu mokopopia kon gina kon i monia.”

ULANGAN 15:9

Dika in iko doí mopoḷuan kon inia poḷat moguman kon taong pomopatan kon boḻi motoyongdon. Dika pomayá mako in raian moraat natua mongawasa kon ginamu. Aka moiko doí mopoḷuan, intau tatua in mokuanibí kon i Tuhan sin mopongadu kon i monimu, dá moiko in poniatadon kon kotaḷá.

ULANGAN 24:14

Dika mondorot kon intau totondanan inta nobiag nobogá bo umuran kodaitan, pinomayá intau tobangusamu ande intau ango-angoi inta nogutun kon kotámu tobatú.