ULANGAN 15:6 - Alkitab Singog In Mongondow Masa In Tanaa

⁶ Ki Tuhan Allahmu momarakatbí kon i monimu ná inta pinodandi-Nea. Moiko in mopoḷuanbí in doit kon mobayong in bangusa, táe moiko tontaní in diábí moḷuan, moiko in mongawasabí kon mobayong in bangusa táe mosia in diábí mongawasa kon i monimu.

ULANGAN 15:6 Mawu Ofanana

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

TAWARIKH 2 9:26

Sia in nongawasa kon bayongan in datu kon butá inta nongkon Ongkag in Eprat nodapot kon butá in Pilistin bo pinosigadan in Mesir.

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

AMSAL 22:7

Intau bogá kinawasa in intau nooyúon; intau inta noḷuan kinawasa in intau inta nopoḷuan.

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

ULANGAN 15:5

asaḷ bo moiko motoindudui kon i Tuhan Allahmu, bo takin motaridi momia kon bayongan inta pinotaauku kon inimu singgai in naa.

ULANGAN 28:44

Mosia in kodoitbí inta poḷuan kon i monimu, táe moiko in diábí koonu bo onu sin poḷuan kon i monia. Bo kon buitnea moiko kawasaan monia.