ULANGAN 15:18 - Alkitab Singog In Mongondow Masa In Tanaa

¹⁸ Aka moiko mopoḷuat in ata tobatú, dika momanasaḷ, sin kon bonu in onom notaong sia ain notuḷung kon oaidanmu takin tongá tongobotak in gaji in bobantung tobatú. Aidaidon in parenta tatua, dá ki Tuhan Allahmu in momarakatbí kon bayongan inta aidanmu.”

ULANGAN 15:18 Mawu Ofanana

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 21:16

Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

ULANGAN 15:10

Ogoiai in sia takin pia in gina bo deeman tongá pakisa, dá ki Tuhan Allahmu in momarakatbí kon bayongan inta inaidanmu.

ULANGAN 15:17

diádon in sia kon ngara in baḷoimu bo bubúaidon in bongoḷannea, dá sia in mobaḻídon atamu kon dodai in sia mobiagpa. Natua doman in musti popoaidmu kon i atamu inta bobay.

ULANGAN 15:19

“Adí in sapi bo bembé domba koḷakian inta muna pinogadí mustibí posumba kon i Tuhan Allahmu. Sapi tatua in diábí motaau in pakéon pomajeko, bo domba in diábí motaau in gonsingan.