ULANGAN 15:13 - Alkitab Singog In Mongondow Masa In Tanaa

¹³ Ata inta pinoḷuatdon tatua diábí motaau in pomayá mako mayá takin diá kodia-dia in onu bo onu.

ULANGAN 15:13 Mawu Ofanana

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

IḶUAIAN 3:21

Baḻíon-Ku intau Mesir mopia in gina kon i monimu, dá aka moiko mobuatdon, moiko in diábí mayá takin kaḷo-kaḷoi.

YEREMIA 22:13

Moboditodon in intau inta moposindog in baḷoinea inta noidoyon kon aid diá moadil, bo mogin oḷad takin aid diá motuḻid. Moboditodon in sia inta nopotabá in intau nogaid bo diá inuboḻian in pinogaidannea.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

ULANGAN 15:12

“Aka intau ḷoḷaki ande bobay nongkon bangusamu moposarakan in awaknea mobaḻí atamu, sia in musti mogaid kon inimu kon bonu in onom notaong. Kon taong noginpitu sia in mustibí poḷuaton.

ULANGAN 15:14

Takin sanang in gina ogoiaidon in sia nongkon onu inta inogoi i Tuhan Allahmu kon inimu, tuata in bembé domba, gandum bo anggur.

KOLOSE 4:1

Utat mita inta nobaḻí tuang! Kopiabí in mopoaid kon i atamu mita, dikabí tombogaan. Pokotoropdon, oyúonbí in Tuangmu kon soroga.