ULANGAN 15:10 - Alkitab Singog In Mongondow Masa In Tanaa

¹⁰ Ogoiai in sia takin pia in gina bo deeman tongá pakisa, dá ki Tuhan Allahmu in momarakatbí kon bayongan inta inaidanmu.

ULANGAN 15:10 Mawu Ofanana

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

MOHOHUTUBA 11:1

Paké in doitmu kon totayakmu kon ḷuai in ḻipú. Notantúbí kon mokouḻí in iko kon untung kon singgai moiduduimai.

YESAYA 32:8

Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.

YESAYA 58:10

Ogoiaidon in kaanon kon intau inta gogoyon bo tuḷungaidon in intau mita inta dinorot. Aka moiko mogaid kon natua, dá sindip kon ḻibumumai in mobayagdon ná singgai.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

SURAT I PAULUS KON JAMAAT RUM 12:8

Intau inta nokouḻí kon totabi mononggina kon intau ibanea, yo musti in sia totu-totuu mononggina kon intau ibanea. Ki ine in mosila-silai mako kon yagi-yagi, yo musti totu-totuu aidannea intua. Intau inta nokouḻí kon totabi mobaḻí itoi, yo musti in sia mobaḻí itoi totu-totuu. Intau inta nokouḻí kon totabi moponiata in tabi kon tumpaḷa intau, yo mustibí aidannea intua takin sanang in gina.

ULANGAN 14:19

Bayongan oḷoḷayug inta kokoḻikipan in harambí, dá diábí motaau kaanon.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 15:18

Aka moiko mopoḷuat in ata tobatú, dika momanasaḷ, sin kon bonu in onom notaong sia ain notuḷung kon oaidanmu takin tongá tongobotak in gaji in bobantung tobatú. Aidaidon in parenta tatua, dá ki Tuhan Allahmu in momarakatbí kon bayongan inta aidanmu.”

ULANGAN 15:4

Ki Tuhan Allahmu in momarakatbí kon i monimu kon butá inta inogoi-Nea kon inimu. Dá kon sigad in bangusamu diábí in intau mobiag mobogá,

ULANGAN 24:19

Aka moiko mosipundon kon bungai in boyómu, dikabí in moiko mobui sin mopuyut kon gandum inta kinotaḷáan. Gandum tatua in mustibí pomayádon mako kon intau ango-angoi, adí uno-unon bo intau inta dongkadon boba-bobay, sinbá moiko barakatan i Tuhan Allahmu kon bayongan oaidanmu.

ULANGAN 28:8

Ki Tuhan Allahmu in momarakatbí kon totayakmu bo momonu in gandum kon ontagmu mita. Barakatan-Neabí in moiko kon butá inta inogoi-Nea kon inimu.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.