ULANGAN 13:6 - Alkitab Singog In Mongondow Masa In Tanaa

^6-7 Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 13:6 Mawu Ofanana

KINOBAḺIAN 16:5

Bo ki Sarai in noguman kon i Abram: “Inogoikudon in ki Hagar bobantungku tua kon inimu, tongá naonda in kinotaauannea kon sidia in sia, sia in moningkuḻemaidon kon inakó. Tua in taḷámudon. Poigumon mako ki Tuhan mobaḻídon hakim kon sigad inatonda.”

SAMUEL 2 1:26

Yonatan, uḻe utatku, monakit totok in ginaku, sin moḷoben totok in mangaḻemu kon inakó. Tabimu kon inakó in totuu motuḻid, nodapot in noiḻiubí kon tabi in bobay.

DATU MITA IMITÁNEA 18:40

Dá nogumandon in ki Elia, “Domok in nabi mita in Baal tatua! Dika pomayá mako in tobatúmai in mokoḷagui!” Bo intau mita in nodomokdon kon nabi mita in Baal tatua, onda intua dinia i Elia in mosia kon Ongkag in Kison bo iḻimodnea kon tua in mosia komintan.

DATU MITA 2 11:18

Nopaḷut mako kon tua rayat in nonubu bo nogumpag kon kuil Baal. Mezbah takin patongnea mita in irimumud, bo ki Matan, imang in Baal iḻimod kon tayowon in mezbah mita tatua. Ki Yoyada in nopotabá kon moḷoḷukad sin moḷukad kon Baḷoi Tuhan,

TAWARIKH 2 15:13

Ki inekabí, noguyang andeka noguod, ḷoḷaki andeka bobay, inta diá nobiag podudui in ibog i Tuhan yo notantú bidon kon hukumon matoi.

TAWARIKH 2 23:17

Nopaḷut mako kon tua mosia komintan in nonubu bo nogumpag kon kuil i Baal. Mezbah takin patongnea mita in irimumud, bo ki Matan, Imang in Baal iḻimod kon tayowon in mezbah mita tatua.

AYUB 31:27

Diábí kon dodai in onda in akuoi noibog kon inia, andeka inayokanku in ḻimanea sin mohoromat kon inia.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 32:27

bo sia in noguman kon i monia, “Ki Tuhan Allah Israel in nomarentadon kon i monimu komintan morabut kon pitowmu bo mayá mongin pinonḷoḷaigan tanaa, nongkon ngara tanaa, modapot kon ngara ibanea sindaḷan moḻimod kon ginaḷumnea, yobayatnea, bo topodiugmu mita.”

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

AMSAL 5:20

Onu in mangaḻenea in mongibog kon bobay ibanea, adíku? Onubí in mangaḻenea in mosiug takin bobay sundaḷ?

YEREMIA 28:15

Tua komintan in pinotaauku kon i Hananya, bo akuoi in noguman doman bui, “Indongogai, ei Hananya! Ki Tuhan in diábí nopotabá kon inimu; iko in nomaḻídon kon bangusa tanaa nopirisaya kon tosingogon uboḷ.

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

YEREMIA 44:3

Tua in nobaḻí popisí in intaunea in binaradosa, dá sinumorú in Akuoi. Mosia in noposumba in kuruban bo nogundoi kon dewa mita inta diápa kon dodai in onda in sinumba monia tontaní, i monimu bo in mogoguyangmu.

ZAKHARIA 13:3

Bo aka oyúonpa doman in intau inta noguman kon sia in mopotaau in koyow, yo ki amá bo ki ináneadon tontaní in moguman kon inia kon sia in musti hukumon dapot in matoi, sin uboḷbí in siningognea tua, sia in tumbukonbí i amá bo inánea tontaní modapot in matoi.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 13:2

takin makusud sinbá moiko mosumba bo mogundoi kon ilah mita inta diá dodai onda in kinotaauan monimu, umpakabí onu inta pinodandinea tatua totu-totuu kon nobaḻí,

ULANGAN 17:12

Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

ULANGAN 19:19

sia in mustibí motarima kon hukuman inta pinoponiat kon musungnea tatua. Aka natua in aidan monimu yo moiko in monginggamádon kon inta moraat tatua.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

ULANGAN 22:21

dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.

ULANGAN 24:7

Intau inta nodakop kon intau tobangusanea bo binaḻínea ata ande pinotaḷuinea, yo mustibí hukumon matoi. Aid monimu natua in monginggamábí kon inta moraat tatua.

ULANGAN 28:54

Modapot in intau moḷoben inta totok in motuḻid in ginanea moinggamá in ropot in ginanea kon bonu in pongopungan tatua, dá sia mokaandon kon i adínea mita tontaní sin diádon in kaanon ibanea. Diádon topiḻikmai in ogoinea kon i utatnea ande kon i buḷoinea inta kinotabinea ande adínea mita inta nobiagpa.

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

KOLOSE 2:4

Naa in pogumanku kon i monimu, sinbá diá in moiko uboḷan in intau mita inta tongá mopia kon bibig.

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 20:3

Onda intua pinogonagnea bui in naga tatua kon irang popatoi bodongka sinaḷobannea poḷat kinunsían, sinbá naga tatua in diádon monguboḷ kon bangusa mita kon tungkuḷ in diápa modait in wakutu toribu notaong. Mopaḷut mako in wakutu tatua sia in buḻianpa motoyong.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 20:13

Ogoidon in intau mita moraat nongkon Gibea tua kon inami sinbá ḻimodondon nami in mosia bo bá inggamáandon in aid moraat tatua kon sigad in Israel.” Táe intau in Benyamin in diábí nokidongogmai kon tosingogon in intau mita in Israel ibanea tatua.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

SAMUEL 1 18:1

Naonda in ki Saul bo ki Daud nopaḷut nongonguman, ki Daud binaḻí i Saul pogawainea bo pinangkoidon kon singgai tatua sia in diádon inogoi nobui kon baḷoi in guyanganea. Ki Yonatan adí ḷoḷaki i Saul, ain nokodongog kon pinongonguman monia tua. Nopia doman in ginanea kon i Daud, bo kinotabinea in ki Daud ná kinototabinea kon awaknea tontaní.

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 20:17

Dá kon induaneadon in ki Yonatan nopoigum kon i Daud modandi kon monotabibí kon inia, sin sia in motabi kon i Daud ná kotabinea kon awaknea tontaní.