ULANGAN 13:15 - Alkitab Singog In Mongondow Masa In Tanaa

¹⁵ dá bayongan intau inta nogutun kon kotá tatua takin bobiagon mita monia musti ḻimodon. Kotá tatua in mustibí kodai-daiton yopúon.

ULANGAN 13:15 Mawu Ofanana

EZRA 10:16

Intau mita iḷumbú inta ain nobui tatua in umuranbí mopobayá in tomayá tatua, tuamai in ki Imang Ezra in nomiḻí kon tongonumai in intau kon sigad in tongguḷu mita in inanakan, bo nomais kon tangoi monia. Kon singgai imitánea buḷan impuḷúnea mosia in nomangkoidon nosidang sin monaridi kon pelekara tatua.

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

IMAMAT 27:28

Diá tobatúmai in motaau mopotaḷui ande motobut kon onu inta ain sinondínea takin diá in sarat kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi.

ULANGAN 13:14

Aka kodongogandon in ouman mita natua, yo taridiai kopira. Aka aid moraat tatua totu-totuudon nobaḻí,

ULANGAN 17:4

dá mustibí taridian monimu kopiraan. Aka aid moraat tatua totu-totuudon nobaḻí kon Israel,

ULANGAN 2:34

Kon dodai doman intua inagow naton bo irimumud in bayongan kotá, bo noḻimod kon bayongan intau inta nogutun kon tua, ḷoḷaki bobay bo adí mita. Diádon tobatúmai in sinaḻiban.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

YOSUA 6:24

Onda intua tontara in Israel nonurubdon kon bayongan kotá tatua takin bayongan in tombonunea, koḻikudbí in buḷawan, saḷaka, tambaga bo uatoi. Pakakat mita tatua ginamá monia bo dinia kon tampat pototagúan kon kapunyaan i Tuhan.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

HAKIM MITA 20:3

Soaḷ tatua in kinodongogandon in intau mita kon suku Benyamin kon bayongan intau in Israel ibanea ain noyosipun kon Mizpa. Dá noḻibódon in intau mita in Israel tatua kon intau in Lewi inta ki buḷoinea ibanea minatoi pinogutú tatua, “Oumanka kon inami mongo naonda in kinobobaḻí in aid mita moraat tatua!” Intau in Lewi tatua notubag, “Akuoi bo ki buḷoiku ibanea tua in nongandup kon Gibea kon butá in Benyamin bo nosiug kon tua.

HAKIM MITA 20:48

Onda intua intau in Israel bui minayá bo nonubu bo noḻimod kon bayongan in ki agat in intau mita in Benyamin – ḷoḷaki, bobay, adí mita bo bobiagon doman. Bayongan in kotá kon butá tatua sinurub monia.