ULANGAN 12:18 - Alkitab Singog In Mongondow Masa In Tanaa

¹⁸ Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 12:18 Mawu Ofanana

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

AMSAL 3:17

Hikmat mobogoi kon inimu in kobiagan mosanang bo mooyúon.

MOHOHUTUBA 3:12

Kinotaauanku kon i naton in diábí in moiḻiu in pia koḻikudbí in moḷunganga in gina bo motarima kon onu in oyúon kinoouput in kinobiagan naton.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

OUMAN IN RASUL MITA 16:34

Noiduduimai kon tua itoi in ponjara tatua nodia kon i Paulus bo kon i Silas minayá in baḷoinea bo mosia in inoḷudan in kaanon. Sia takin bayongan koluarganea totok nopia in gina monia sin mosia tanaa nopirisaya kon i Allah.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

ULANGAN 12:14

táe tongábí kon tampat inta piniḻí i Tuhan kon butá in sukumu tobatú. Tongábí kon tua in musti poposumbaan monimu in kuruban payongon bo mogaid kon oaidan mita ibanea inta pinarentaku kon inimu.

ULANGAN 12:19

Ḷukadai sinbá diá modapot in moiko mopomayá mako in kaum Lewi moiḷaḻe kon bonu in moiko mogutun kon butá tatua.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

ULANGAN 14:23

Kon tayowon i Tuhan Allahmu, kon tampat inta piniḻí-Nea, inta mobaḻí tampat pooibadaan, moiko musti mokaan kon sosumba mopuḷú noporosen nongkon gandum, tubig in anggur, ḷana in zaitun takin adí in sapi bo adí in bembé dombamu inta muna pinogadí. Aidai intua sinbá umuran in moiko mobalajar mohoromat kon i Tuhan Allahmu.

ULANGAN 15:20

Pomuḷoi in taong moiko tobaḷoian musti mokaan kon tapúnea kon tayowon i Tuhan Allahmu, kon tampat inta piniḻí i Tuhan.

SAMUEL 1 1:4

Pomuḷoi in ki Elkana moposumba in kuruban, ki Penina bo bayongan in adínea tukidannea in tumongo silai in ponoyá inta pinokuruban tatua.