ULANGAN 11:31 - Alkitab Singog In Mongondow Masa In Tanaa

³¹ Diádon moonggot bo moiko in ḷumoḷandon kon Ongkag in Yordan bo ḻimitúdon kon butá inta ogoi i Tuhan Allahmu kon inimu. Naonda in moiko mogagow kon butá tatua bo mogutun kon tua,

ULANGAN 11:31 Mawu Ofanana

PINOGIAPAN 33:53

Butá tatua musti agowon monimu bo poḷat ḻitúai, sin ogoi-Kudon kon inimu.

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 17:14

“Aka butá inta inogoi i Tuhan Allahmu kon inimu ain nobaḻí kapunyaanmu, bo moiko in nogutundon kon tua, bo degá moiko in moparaḷudon kon datu ná bangusa mita inta nogutun kon diugmai monimu.

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.

YOSUA 1:11

sinbá moḻibu kon bayongan pinononḷoḷaigan in umat Israel bo nopotaau in parenta tanaa, “Posadia kon tongkaaḷ, sin toḷupa nosinggai nongkon naa bo moiko in mustidon ḷumoḷan kon Ongkag in Yordan sin mayá ḻimitú kon butá inta inogoi i Tuhan Allahmu kon inimu.”

YOSUA 21:43

Natuata in pinobobogoi i Tuhan kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.