ULANGAN 11:30 - Alkitab Singog In Mongondow Masa In Tanaa

³⁰ Buḷud doyowa tatua noiukat kon dotá in toyopan kon Ongkag in Yordan kon butá intau in Kanaan inta nogutun kon Ḷopá in Yordan, sinumayow kon toyopan diá noyayú nongkon pangkoi mita in kayu tampat pooibadaan kon More kon diug in kotá in Gilgal.)

ULANGAN 11:30 Mawu Ofanana

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

NEHEMIA 12:29

nongkon Bet-Gilgal, Geba bo Asmawet.

YOSUA 4:19

Umat in Israel nodapot kon ḷoḷan Ongkag in Yordan bo kon singgai noginpuḷú buḷan imitánea, bo mosia nononḷoḷaigan kon Gilgal kon dotá in pomukaan kon Yerikho.

YOSUA 5:9

Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal dapot in tanaa.

HAKIM MITA 7:1

Kon singgai tobatú ki Gideon takin intaunea mita nobangon nododop totok. Mosia minayá bo nononḷoḷaigan kon diug in bokaká in tubig in Harod. Pinononḷoḷaigan in intau in Midian kon dotá in utuan nongkon i monia, kon ḷopá kon diug in Buḷud in More.

HAKIM MITA 9:7

Naonda in dinongog i Yotam in soaḷ tatua, sia minayá sinimindog kon tudu in Buḷud Gerizim, bo nomaḷú kon intau mita tatua, “Indongogai in akuoi, ei intau mita in Sikhem, sinbá indongogan domandon i Allah in moiko!