ULANGAN 11:24 - Alkitab Singog In Mongondow Masa In Tanaa

²⁴ Komintan in butá inta yitakan monimu in mobaḻíbí kapunyaanmu. Butámu in mobendarbí nongkon padang gurun kon dotá in toḷatan modapot kon Buḷud in Libanon kon utuan, bo nongkon Ongkag in Eprat kon pomukaan modapot kon Dagat Toyuak kon toyopan.

ULANGAN 11:24 Mawu Ofanana

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

TAWARIKH 2 9:26

Sia in nongawasa kon bayongan in datu kon butá inta nongkon Ongkag in Eprat nodapot kon butá in Pilistin bo pinosigadan in Mesir.

IḶUAIAN 23:31

Sigad mita in butámu in tantúon-Kudon nongkon Teluk Akaba modapot kon Ongkag in Eprat, bo nongkon Dagat Toyuak modapot kon padang gurun. Moiko ogoian-Ku in kawasa mongawasa kon intau mita inta nogutun kon butá tatua, modapot in mosia kountunandon monimu kon dodai in moiko mayá mogagow kon butá tatua.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 12:20

Naonda in ki Tuhan Allahmu moginḷoben kon sigad mita in butámu ná inta ain pinodandi-Nea, moiko in motaaubí mokaan kon ponoyá kinooibogmubí.

ULANGAN 34:2

bayongan in wilayah in Naptali; wilayah in Epraim bo Manasye, wilayah in Yohuda nopobayá in toyopan kinoyoyayú in Dagat Toyuak;

YOSUA 14:9

Bo tuamai, ki Musa nodandi kon butá inta binayáku inindoian notantúbí kon ogoi kon inakó bo kon i adíku mita mobaḻí kapunyaan nami mononoi.