ULANGAN 11:18 - Alkitab Singog In Mongondow Masa In Tanaa

¹⁸ Torop bo taridiaidon in parenta mita tatua. Popotogot kon ḻimamu bo popobogot doman kon pogotmu sinbá umuran toro-toropon.

ULANGAN 11:18 Mawu Ofanana

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

IḶUAIAN 13:16

Kabiasaan tatua musti mobaḻí tompoingat kon i naton naonda bo tomponuot inta pinopotogot kon ḻima ande kon pogot naton. Pongin natua kita umuran poponoropan kon ki Tuhan ain nopoḷuai kon i naton nongkon Mesir takin kawasa inta moḷoben.”

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

AMSAL 3:3

Umuran popirisaya bo mokopotoindudui kon i Allah bo kon tumpaḷa intau. Torop intua bo tagú kon ginamu,

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

PETRUS 2 1:12

Tuamai tantú ponoropku intua kon i monimu, umpakabí kinotaauandon monimu, sinbá moiko in mopirisayadon totok kon totundú nongkon i Allah inta ain sinarima monimu tatua.