ULANGAN 11:16 - Alkitab Singog In Mongondow Masa In Tanaa

¹⁶ Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

ULANGAN 11:16 Mawu Ofanana

DATU MITA IMITÁNEA 8:35

Aka umat-Mu baradosaan kon ini-Mu bo hukumon-Mu in mosia pongin diá mobogoi in uyan bo mosia in mogogaidon in mogaid kon dosa bo mohoromatdon kon ini-Mu saḷaku Tuhan, onda intua tumayowdon kon baḷoi pososumbaan tanaa poḷat mosambayang kon ini-Mu,

AYUB 31:27

Diábí kon dodai in onda in akuoi noibog kon inia, andeka inayokanku in ḻimanea sin mohoromat kon inia.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

ULANGAN 12:30

Naonda in bangusa mita tatua yopúon mokopoingat dika modapot in dumayan in moiko mosumba kon ilah mita ibanea, sin oaid natua mokopoangoi kon bodito.

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 17:3

bo parenta-Nea takin nosumba bo nogundoi kon ilah mita ibanea ande kon mata in singgai, buḷan ande tundi mita,

ULANGAN 28:14

Tongá dika mokoimontanmai in monaḷámai kon parenta mita tatua naondaka in pogogaid. Dika doman mosumba bo mogundoi kon ilah mita ibanea.”

ULANGAN 29:17

Moiko ain nokoontong kon patong mita berhala monia inta mokorongó nongkon kayu, batu, saḷaka bo buḷawan.

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

ULANGAN 30:17

Táe aka moiko bo diá motoindudui bo doí doman mokidongog, bo mopomayá doman mako in awakmu poḷaḻeon sin mosumba kon ilah mita ibanea,

ULANGAN 31:20

Mosia in diaan-Ku kon butá inta nooyúon bo mopia, ná inta pinodandi-Ku kon mogoguyang monia. Kon tua in mosia mobiag mosanang bo mokouḻí kon bayongan kaanon inta paraḷuon monia. Táe moiduduimai kon tua mosia in monoḻikudon bo mosumba kon ilah mita ibanea. Mosia in mondoídon kon i-Nakó bo monoḻikudon kon dodandian-Ku,

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 5:7

Dika mosumba kon ilah mita ibanea. Tongádon Akuoi in sumbáan.

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

YOHANES 1 5:21

Adíku mita, mokopoyayúdon in moiko kon berhala mita!

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.