ULANGAN 10:8 - Alkitab Singog In Mongondow Masa In Tanaa

⁸ Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

ULANGAN 10:8 Mawu Ofanana

DATU MITA IMITÁNEA 8:6

Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi.

TAWARIKH 1 15:2

Ki Daud noguman, “Tongábí intau in Lewi in motaau mobuat kon Poti Dodandian i Tuhan, sin mosiabí tua inta piniḻí i Tuhan momotaan kon Poti tatua bo mogundoi kon i-Nia moidapot in mononoi.”

TAWARIKH 1 15:26

Pitu in sapi koḷakian bo pitu doman in domba in pinosumba kon i Allah sin Sia in notuḷungdon kon intau in Lewi inta nobuat kon Poti Dodandian tatua.

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

TAWARIKH 1 23:26

Tuamai, Ḷoḷaigan i Tuhan bo bayongan in pakakat inta pinaké kon ibada in diá bidon paraḷu potaanon in intau in Lewi.”

TAWARIKH 2 29:11

Adíku mita, dikadon mogoḷat mongo toonu, sin moikobí inta ain piniḻí i Tuhan moibada bo mogundoi kon i-Nia bo poḷat motubá kon dupa bo modia kon rayat moibada.”

TAWARIKH 2 30:27

Imang mita bo intau mita in Lewi nopoigum sinbá ki Tuhan momarakat kon rayat, bo nongkon tampat pinogutunan-Nea kon soroga ki Allah in nokidongog kon sambayang monia bo poḷat notarima kon oigum monia.

MAZMUR 134:1

Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 135:2

inta nogundoi kon Baḷoi Tuhan kon pinogutunan i Allah naton.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

YEHEZKIEL 44:11

Kon bonu in Baḷoi-Ku, mosia in tongábí motaau in mogundoi kon i-Nakó saḷaku mobobantung kon oaidan bo moḷukad kon bonawang. Mosia in motaaubí in moratá kon mahaḷuk mita inta mobaḻí kuruban payongon bo posumba, bo mosia in mustibí umuran mobantung kon umat.

YEHEZKIEL 44:15

Ki Tuhan Inta Totok in moḷantud in noguman, “Kon tungkuḷ in bangusa in Israel nonaḷámai kon i-Nakó, imang mita in Lewi nongkon buí i Zadok in tantúbí notoindudui in nogundoi kon i-Nakó kon Baḷoi-Ku. Tuamai in mosiadon in tanaa in musti mogundoi kon i-Nakó bo mamangoi kon tayowon-Ku sin moposumba in ḷongó bo dugú in kuruban mita.

IMAMAT 8:9

Bo pinopobogotneadon kon uḷu i Harun in bogot in uḷu, bo pinopotomot domandon kon bogot in uḷu tatua in ḷambá buḷawan, inta nobaḻí tanda kon ki Harun ain nobaḻí kapunyaan i Tuhan. Tua mita inaidan i Musa podudui in parenta i Tuhan kon inia.

IMAMAT 9:22

Naonda in mopaḷut mako noposumba in bayongan kuruban tatua, ki Harun nobingkat kon ḻimanea pinotayow kon bayongan umat Israel bo nomarakat kon i monia, bodongka sia moponag.

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

PINOGIAPAN 3:6

“Potabádon in suku Lewi mamangoi tumayow, bo piḻídon in mosia mobaḻí intau mita inta mobantung kon i imang Harun.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

OUMAN IN RASUL MITA 13:2

Kon singgai tobatú wakutu in mosia nosambayang kon i Tuhan bo nopuasa, Roho i Allah in noguman kon i monia nanaa, “Piḻídon in ki Barnabas bo ki Saulus mobaḻí totabá-Ku, sinbá mosia in mogaid kon oaidan inta aindon sinantú-Ku pokiaid kon i monia.”

SURAT I PAULUS KON JAMAAT RUM 1:1

Utatku mita kon Rum inta kinotabi i Allah bo inta ain piniḻí-Nea sin baḻíondon umat-Nea. Akuoi in piniḻídon i Allah bo ain binaḻí-Nea intau inta mopotaau in Habar Mopia nongkon i-Nia.

SURAT I PAULUS KON JAMAAT RUM 12:7

Intau inta nokouḻí kon totabi motuḷung kon intau ibanea, yo musti in sia totu-totuu motuḷung kon intau ibanea. Intau inta nokouḻí kon totabi mobogoi in totundú, dá musti in sia totu-totuu doman mobogoi in totundú.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

GALATIA 1:15

Tongá pinodoyonbí kon tabi i Allah, sahingga in piniḻí-Nea in akuoi kon tungkuḷ in kon bonupa in sian i ináku. Inoiní-Nea in akuoi sin mogaid kon oaidan-Nea.

ULANGAN 17:12

Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

ULANGAN 18:5

Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

ULANGAN 21:3

Bo guhanga mita nongkon kotá inta totok in nodiug kon tua musti momiḻí kon sapi tobatú inta batánea inta diápa dodai in onda in pinogaid.

ULANGAN 21:5

Imang mita in Lewi musti doman mayá intua, sin mosia in musti monantú kon bayongan in pelekara popisí in aid inta moraat. Mosia tua in piniḻí i Tuhan Allahmu sin mogundoi kon i-Nia bo mosingog kon barakat podoyon kon tangoi-Nea.

ULANGAN 31:9

Bo ki Musa nomais kon hukum i Tuhan Allah bo nobogoi kon imang mita in Lewi inta pinoki aidan monompia kon Poti Dodandian, bo kon itoi mita in Israel.