ULANGAN 10:21 - Alkitab Singog In Mongondow Masa In Tanaa

²¹ Dayowdon in Sia sin Sia in ki Allahmu. Moikodon tontaní in nokoontong kon onu in pinomia-Nea inta motoyang bo mokoondok inta pinomia-Nea sin motuḷung kon i monimu.

ULANGAN 10:21 Mawu Ofanana

SAMUEL 2 7:23

Kon dunia naa in diábí in bangusa ná Israel. Tongábí Israel tuata in bangusa inta ain pinoḷuat-Mu nongkon pinononggataan sin mobaḻí umat-Mu tontaní. Bayongan in aid moḷoben bo inta mokoherang inta pinomia-Mu kon i monia, mopobaḻí kon tangoi-Mu ponango-nangoian kon dunia. Bangusa mita ibanea takin dewa mita monia aindon inuntun-Mu kon tungkuḷ in umat-Mu minayá noparang.

MAZMUR 109:1

Kon i itoi in mododondong. Mazmur i Daud. O Allah inta tantúku dayowon, dikabí kaasí tongá kibio-biómai.

MAZMUR 145:6

Mosia in mopotaa-taaubí mako in aid-Mu mita inta motoyang, koḷoḷoben-Mu in pobaḷúku.

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

MAZMUR 22:3

O Allahku, akuoi in nokuani kon tungkuḷ in singgai, táe Iko in tantúbi kibio-biómai. Akuoi in nosambayang doḷom, ginaku diá doman moodom.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

IḶUAIAN 34:10

Ki Tuhan noguman kon i Musa, “Tanaa mako Akuoi momiadon kon dodandian takin bangusa Israel. Kon tayowon mata monia Akuoi mogaid kon inta mokoherang mita inta diápa dodai onda inaidan kon sigad in bangusa inta kon ondaka in kon dunia naa. Bayongan bangusa in mokoontong kon soaḷ mita mokoherang inta pomiaan-Ku, sin Akuoi, ki Tuhan in momiabí kon tobatú oaidan inta motoyang kon i monimu.

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

YESAYA 64:3

Nokoimontandon in Iko nopoontong in oaid-Mu inta motoyang, inta diábí sinangkamai nami. Iko in noponag, bo kon tayowon-Mu buḷud mita modandú.

YEREMIA 17:14

Tuhan, undamaidon in akuoi, dá mopiadon in akuoi. Posaḷamatdon in akuoi, dá mosaḷamat in akuoi. Tongábí Iko in poḷantudonku!

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

YOSUA 24:18

Bo naonda in kita sinumuot kon butá tanaa, ki Tuhan nopoguntun kon bayongan intau in Amori inta nogutun kon naa. Dá, kami in moibogbí mogundoi kon i Tuhan, sin Sia tuata in ki Allah naton!”

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.