ULANGAN 10:16 - Alkitab Singog In Mongondow Masa In Tanaa

¹⁶ Dá pinangkoi kon tanaa mako moiko in musti motoindudui kon i Tuhan bo dikadon bui mokopotontogat kon gina.

ULANGAN 10:16 Mawu Ofanana

KINOBAḺIAN 17:11

Nongkon tanaadon mako iko in musti monoit kon bayongan in adí mointok ḷoḷaki inta umur waḷu nosinggai, diá doman taḻiban bayongan in bobantung inta noilahir kon bonu in baḷoimu ande inta sinaḷuimu. Toit tatua in mobaḻí tanda in dodandian-Ku takinmu.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

IMAMAT 26:41

dá iḷawang-Ku domandon in mosia bo inuntun-Ku pinobayá in tampat pinoḷumbúan kon butá in musung mita monia. Pangabisannea, aka buímu mita moitungkudon bo dinumuduidon kon hukuman popisí in dosa bo pinomarontakan monia,

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

ULANGAN 9:13

Ki Tuhan noguman doman kon inakó, ‘Kinotaauan-Kubí kon bangusa tatua in totokbí in motontogat in gina.

ULANGAN 9:6

Pokoyakin kon ki Tuhan Allahmu in diábí noposarakan in butá mopia tatua kon inimu popisí in moiko patus motarima kon tua. Deemanbí natua! Moiko nion in bangusabí inta motogat in gina.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.