ULANGAN 10:15 - Alkitab Singog In Mongondow Masa In Tanaa

¹⁵ Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

ULANGAN 10:15 Mawu Ofanana

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

PINOGIAPAN 14:8

Aka kinoibog i Tuhan in kita, dá diaan-Neabí in kita mayá intua bo ogoi-Nea kon i naton in butá inta nooyúon bo inta mopia totok tatua.

SURAT I PAULUS KON JAMAAT RUM 11:28

Popisí intau Yahudi doí notarima kon Habar Mopia nongkon i Allah, dá mosia nobaḻí saturu i Allah; bo tua in nobaḻí bidon kauntungan i monimu inta deeman intau Yahudi. Táe lantaran mosia bo ain piniḻí i Allah, dá mosia in umuran kinotabi i Allah sin popisí in mogoguyang monia.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.