ULANGAN 10:14 - Alkitab Singog In Mongondow Masa In Tanaa

¹⁴ Ki Tuhan Allahmu in ki togi ḷangit inta totok in moḷantud; bo butá in tanaa in Siabí doman in kitogi takin bayongan inta kon bonunea.

ULANGAN 10:14 Mawu Ofanana

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 41:11

Ki ine in mokobaḻí monayow kon inia bo diá tompaḻían? Kon dunia naa diábí in mokoaid kon natua.

MAZMUR 115:16

Ḷangit in tongábí ki Tuhan in kitogi, táe butá in inogoi-Nea kon intau.

MAZMUR 148:4

Dayowdon in Sia, ei ḷangit inta totok in moḷantud, dayowdon in Sia, ei tubig kon ḻimonikan in ḷangit!

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 50:12

Aka gogoyon in Akuoi, diábí bain poguman-Ku kon inimu, sin butá takin tombonunea in Akuoibí in kitogi.

MAZMUR 68:33

Podondongdon kon i Allah, ei bayongan in dodatuan, podondongdon in dodayow kon i Tuhan,

IḶUAIAN 19:5

Tanaa aka moiko motoindudui kon i-Nakó bo tumoḷutui kon dodandian-Ku, moiko in baḻíon-Ku umat-Ku tontaní. Bayongan in butá tanaa Akuoi in kitogi, táe moiko in baḻíon-Kudon umat-ku inta kotabi-Ku,

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

OUMAN IN RASUL MITA 17:24

Ki Allah inta nomia kon dunia bo tombonunea mita, Sia tuata in ki Tuhan in ḷangit bo butá. Sia in diábí nogutun kon baḷoi in dewa-dewa inta pinomia in ḻima intau.

KORINTUS 1 10:26

Sin kon bonu in Buk Motusi ain pinais, “Dunia bo tombonunea naa in komintanbí kapunyaan i Tuhan.”

KORINTUS 1 10:28

Tongá aka oyúon in moguman kon i monimu nanaa, “Kaanon tanion ain bidon pinosumba kon dimukud moraat,” yo dikabí kaanon monimu intua sin aindon muna pinotaaunea, bo kaanon tatua in kinodoíbí in ginamu.

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)

ULANGAN 10:13

Duduiaidon in bayongan parenta i Tuhan inta singgai naa pinotaauku kon i monimu sin kopiaanmubí tontaní.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.