ULANGAN 10:13 - Alkitab Singog In Mongondow Masa In Tanaa

¹³ Duduiaidon in bayongan parenta i Tuhan inta singgai naa pinotaauku kon i monimu sin kopiaanmubí tontaní.

ULANGAN 10:13 Mawu Ofanana

DATU MITA IMITÁNEA 3:3

Ki Salomo in motabi kon i Tuhan bo dinumudui kon topotundú mita i amánea, táe umuranpa in sia noratá bo noposumba in biag kon bayongan tampat.

AMSAL 9:12

Aka hikmat bo oyúondon kon inimu, yo ikobí tontaní in mountung. Táe aka hikmat bo diá tarimaanmu, yo ikobí tontaní in porugionmai.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 10:14

Ki Tuhan Allahmu in ki togi ḷangit inta totok in moḷantud; bo butá in tanaa in Siabí doman in kitogi takin bayongan inta kon bonunea.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

YAKOBUS 1:25

Hukum i Allah tua in nosompurna bo moḷoben in kawasa-Nea moposaḷamat kon intau. Táe intau inta momirikisa bo monarukira kinopira poḷat nopoaid doman, deeman tongá inindongogan mako bo ḻiongon, yo intau natua in barakatanbí i Allah in bayongan oaidannea.