ULANGAN 1:45 - Alkitab Singog In Mongondow Masa In Tanaa

⁴⁵ Onda intua moiko nobui bo nokuani kon i Tuhan sin mokituḷung, táe doí in Sia nokidongog ande noindoimai kon i monimu.”

ULANGAN 1:45 Mawu Ofanana

AYUB 27:8

Oyúon degá in kamang kon intau binaradosa kon dodai in ki Allah monuntut kon dimukudnea?

AYUB 27:9

Indongogan degá i Allah in ombaḷnea aka koantugan in roriga in sia?

MAZMUR 66:18

Aka kuma bo mopia in ginaku in monomayá kon aid moraat, yo notantúbí kon doíbí in ki Tuhan mokidongog.

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

AMSAL 1:25

Bayongan in tongginaku in diábí inindongogan monimu bo toboḷowku in diábí inabatan monimu.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.

YOHANES 9:31

Kinotaauanbí naton kon ki Allah in diábí mokidongog kon intau mita inta binaradosa, táe tongábí mosia inta mohoromat kon i Allah, bo inta mogaid kon onu in kinoibog-Nea.

IBRANI 12:17

Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.