ULANGAN 1:37 - Alkitab Singog In Mongondow Masa In Tanaa

³⁷ Moiko nokopopisí doman kon ki Tuhan sinumorú kon inakó bo noguman, ‘Musa, iko doman tontaní in diábí tumuot kon butá tatua.

ULANGAN 1:37 Mawu Ofanana

PINOGIAPAN 20:12

Táe ki Tuhan nonoboḷow kon i Musa bo kon i Harun, kai-Nia, “Popisí in moiko diá totok mopirisaya kon i-Nakó moponiata in kawasa-Ku inta motusi kon tayowon in bangusa Israel, dá moiko in diábí mobaḻí itoi inta motaau modia kon i monia tumuot kon butá inta pinodandi-Ku kon i monia.”

PINOGIAPAN 27:18

Guman i Tuhan kon i Musa, “Oinídon in ki Yosua, adí i Nun. Sia tua in intau inta motoḻindat. Poukat in ḻimamu kon uḷunea.

ULANGAN 3:27

Bayádon kon tudu totok in Buḷud Pisga bo indoidon kon dotá in utuan bo toḷatan, kon dotá in pomukaan bo toyopan. Taridiaidon kopia onu in inontongmu tua, sin iko in diá bidon moiḷoḷan kon Ongkag in Yordan.

ULANGAN 3:28

Ogoiaidon in topotundú mita in ki Yosua. Iyotonaidon in ginanea, sin siadon in modia kon bangusa tatua mayá in ḷoḷan sin ḻimitú kon butá inta inontongmu tatua.’

ULANGAN 31:2

kai nia, “Tanaa in umurku in mogatutdon bo doyowa nopuḷú notaong bo akuoi in diádon mokosanggup mobaḻí itoimu. Koḻikud intua ki Tuhan ain noguman kon akuoi in diábí motaau ḷumoḷan kon Ongkag in Yordan.

ULANGAN 32:52

Tuamai iko in diábí motaau in tumuot kon butá inta inogoi-Ku kon bangusa Israel; iko in tongábí motaau moindoi nongkon moyayú.”

ULANGAN 34:4

Bo ki Tuhan noguman kon i Musa, “Tuata in butá inta pinodandi-Ku kon i Abraham, kon i Ishak bo kon i Yakub ogoi kon buí monia. Poontong-Ku kon inimu, Musa, tongá diábí ogoi-Ku in iko mayá intua.”

ULANGAN 4:21

Táe ki Tuhan Allahmu sinumorúdon kon inakó popisí in moiko, bo Sia in nongibot kon akuoi in diábí moiḷoḷan kon Ongkag in Yordan sin tumuot kon butá mopia inta bain ogoi-Nea kon inimu.

ULANGAN 4:22

Diádon moonggot bo moiko ḷumoḷan poḷat ḻimitú kon butá inta mopia tua; táe akuoi in diábí moitakin, sin akuoi in matoidon kon naa.