ULANGAN 1:19 - Alkitab Singog In Mongondow Masa In Tanaa

¹⁹ “Bo pinodudui kon parenta i Tuhan Allah naton, kita in monaḷámai kon Buḷud in Sinai bo mayá mongin padang gurun inta mobendar bo motoyang mopobayá ná buḷud mita in intau Amori. Kon dodai in kita modapot kon Kades-Barnea,

ULANGAN 1:19 Mawu Ofanana

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

PINOGIAPAN 10:12

Bo intau Israel moyo-moyodudui in mayá monaḷámai kon padang gurun Sinai, bo goḷom tatua nogogai kon dodai in mosia modapotdon kon padang gurun Paran.

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.

PINOGIAPAN 14:14

bo oumanon monia intua kon intau mita kon butá tanaa, inta ain nokodongog kon Iko, ki Tuhan noyotakin nami. Dinongog domandon monia kon Iko ain nokipogontong kon inami kon dodai Iko minayá kon muna nami kon bonu in oigi goḷom kon dodai in singgai, bo oigi tuḷú kon dodai in doḷom.

PINOGIAPAN 32:8

Ki amá mita monimu nomia doman naníon, kon tungkuḷ in mosia pinotabáku nongkon Kades-Barnea sin mayá moḻibu kon butá tatua.

ULANGAN 1:2

Nongkon Buḷud in Sinai nodapot in Kades-Barnea noitaḻib in butá inta kon buḷud in Edom, mopuḷú bomitá nosinggai in bayáan.)

ULANGAN 1:20

akuoi in noguman: Tanaa in moiko ain nodapot kon buḷud mita in intau Amori, butá inta inogoi i Tuhan Allah naton bo i Allah in mogoguyang naton. Indoiai, niondon kon tayowonmu in butá inta nobendar. Bayádon bo ḻitúai ná inta ain pinarenta i Tuhan. Dika mogagawang in gina ande moondok.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 32:10

Nouḻí-Nea in mosia koyogot modondaḷoi kon tampat inta noingongow kon padang belantara. Bo inoḻiungan-Nea poḷat iḷukadan in mosia bo pinoḷoḷukad-Nea kon i monia in naonda bo Sia in kitogi.

ULANGAN 8:15

Ki Tuhan nodia kon i monimu nongin padang gurun inta nobendar mako bo inta motoyang, inta mobayong in uḷag mobisa bo bambau. Kon butá inta moingkag diá in tubig binaḻí-Nea in tubig iḻumuai nongkon batu, sinbá moiko motaau monginum dapot in moguḻí in yogangmu.

YOSUA 10:41

Ki Yosua nonaḷow kon i monia, nongkon Kades-Barnea kon dotá in toḷatan nodapot in Gaza kon diug in bingkí in pintad, noituot doman in bayongan butá in Gosyen, turus nodapot kon Gibeon kon Utuan.