ULANGAN 1:17 - Alkitab Singog In Mongondow Masa In Tanaa

¹⁷ Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

ULANGAN 1:17 Mawu Ofanana

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

TAWARIKH 2 19:5

Kon batúan in kotá inta oyúon in poḷoḷukadan kon Yohuda noduí in sia kon hakim mita,

TAWARIKH 2 19:6

bo nobogoi in parenta tanaa kon i monia, “Pokobijaksana, sin moiko in mohakim deemanbí pinodoyon kon tangoi in intau, táe pinodoyonbí kon tangoi Tuhan. Inindoian-Neabí in moiko kon dodai in monantú kon pelekara.

AYUB 31:34

Singog in intau in diábí koondokku, bo rebeg in intau, diábí pandungonku. Diábí dodai in onda in akuoi in tongá kon baḷoi andeka tongá kibio-biómai, tongá popisí in moondok in rebegon.

MAZMUR 82:2

“Dika bidon monisig takin tombogá, bo dika dumotá kon intau moraat.

IḶUAIAN 18:18

Pogogaidmu natua totokdon in mokoḷopí kon inimu tontaní bo kon intau mita tatua. Oaidan tatua totok mobarong aka tongá tobatú in mogaid.

IḶUAIAN 18:22

Bo mosia in mobaḻídon hakim kon bangusa tanaa, mobaḻí hakim in mosia kon paanan monia tontaní. Oaidan tatua in musti aidan monia kotompiaan. Pelekara mita inta moponting motaau potaau monia kon inimu, táe aka yogogintaḷaan mita mongogaan motaaupabí tongá paḷuton monia tontaní. Natua sinbá mogaandon in oaidanmu sin mosia in moduḷudon mogaid kon oaidanmu mita.

IḶUAIAN 18:26

Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

AMSAL 18:5

Diábí mopia in moduḷu kon intau moromú bo mondorot kon intau inta diá kotaḷá.

AMSAL 24:23

Intau inta moarip nokoimontandon in noguman nanaa: Hakim in diábí motaau in mobogat kon toḷosi.

AMSAL 28:21

Diábí mopia in mopoyoposi in intau; táe oyúonbí doman in hakim inta motombogá tongá popisí in bá mokouḻí kon doit topiḻik.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

MALEAKHI 2:9

Dá baḻíon-Kubí doman in moiko poompáanmai in umat in Israel sin moiko in diá notoindudui kon koibog-Ku, bo popisí in moiko mopoyo-poyoposi kon intau kon dodai in motundú kon umat-Ku.”

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

MARKUS 12:14

Mosia in namangoi bo noḻibó kon i-Nia, “Pak Guru, kinotaauan nami ki Pak Guru in mojujur bo diá moondok kon singog i inekabí. Diábí in bunion i Pak Guru in motundú kon soaḷ inta kinoibog i Allah aidan in intau, sin ki Pak Guru in diábí mopoyoposi intau. Dá tuamai in pogumanka kon inami, ‘Aka podudui in atorang agama naton, motaau degá in moguboḻi kon pajak kon i Kaisar andeka diá? Musti moguboḻi kon pajak in kita mongo diá?’ ”

LUKAS 20:21

Dá intau mita inta ain sinokouboḻian tatua in noḻibó kon i Yesus, “Pak Guru, kinotaauanbí nami kon bayongan inta siningog bo inta sinundú i Pak Guru tua in komintanbí totuu. Kinotaauan doman nami kon ki Pak Guru in motundú umuranbí taran-tarangan moguman kon onu in kinoibog i Allah. Sin ki Pak Guru in diábí momomiḻí kon intau.

SURAT I PAULUS KON JAMAAT RUM 2:11

Sin diábí poyoposion i Allah in bayongan intau.

EPESUS 6:9

Bo moiko utat mita inta nobaḻí tuang! Mokopopiabí kon gina kon i atamu mita. Donaaibí tantú mopogogondok kon i monia. Sinbá kotaauan monimu, kon iko bo ki atamu mita tua in tongábí tobatú in Tuang monimu, Sia tuata in ki Tuhan inta kon soroga. Sia in diábí mopoyoposi kon intau.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 25:1

Umpamanea intau in Israel doyowa minayá kon pongadilan sin mopongadu kon pelekara, bo inta tobatú in pinoniata kon diá kotaḷá, bo ibanea in kotaḷá.

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.

TESALONIKA 1 2:4

Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

YAKOBUS 2:9

Táe aka moiko bo mopoyo-poyoposi in intau podudui in kaadaan kobobiag in intau, yo nogaidon kon dosa in moiko, bo hukum i Allah in moponiatadon kon moiko nion in moḷoḷawang kon hukum.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.