ULANGAN 1:15 - Alkitab Singog In Mongondow Masa In Tanaa

¹⁵ Tuamai kon sigad in itoi mita inta piniḻí monimu, tongonumai in intau inta mobijaksana bo inta kopongalaman ginamáku bo binaḻíkudon tongguḷu kon i monimu. Oyúon in binaḻí itoi kon intau toribu, ibanea doman in binaḻí itoi kon intau mogatut, ibanea in itoi kon intau ḻima nopuḷú bo ibanea in itoi kon intau mopuḷú. Akuoi in noduí doman kon itoi mita ibanea sin moindoi bo monompia kon sukumu mita.

ULANGAN 1:15 Mawu Ofanana

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

PINOGIAPAN 1:4

Kon batúan in suku, poigumaidon kon itoi tobatú nongkon suku tatua sin mobantung kon i monimu.”

PINOGIAPAN 31:14

Sinorúan i Musa in tontara mita inta pangkat mongoḷantud, itoi mita in tontara bo tongguḷu in parang inta bagu nobui kon pinoparangan.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

ULANGAN 1:14

Onu inta pinoigumku tatua in sinarimadon monimu nopia.

ULANGAN 1:16

Kon dodai intua naa in pinoki aidku kon i monia: Indoiai kopia in yogogintaḷaan mita inta nomuká kon sigad in bangusamu. Koadilon in monantú, pinomayá pelekara inta noikabit kon intau tobangusamu andeka inta noikabit kon intau ango-angoi inta nogutun kon sigad monimu.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

SAMUEL 1 17:18

Podiaai domandon kon mopuḷú nobatú in keju tanaa kon itoi in tontara. Ḻibódon mongo naonda in kaadaan i guya-guyangmu mita, bo podiaaidon mangoi in akuoi kon tomponuot kon iko in noyodungkuḷdon monia bo mosia tua in nopia-piapabí.

SAMUEL 1 22:7

noguman in sia kon porwiranea mita tatua, “Indongogaidon, ei intau mita in Benyamin! Eta degá ki Daud tua in mobogoi in gobá in tudunea bo gobá in anggur kon inimu? Eta degá moiko komintan in baḻíonnea doman porwira mita in tontaranea?

SAMUEL 1 8:12

Ibanea in binaḻínea porwira inta mobaḻí itoi kon intau toribu, bo ibanea in mobaḻí itoi kon intau ḻima nopuḷú. Datu tatua in momakisa kon i adímu mita momajeko kon gobánea, monoinut kon bungai in boyónea, momia kon ḷoḷutamnea mita bo pakakat mita in kereta parangnea.