TITUS 3:8 - Alkitab Singog In Mongondow Masa In Tanaa

⁸ Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.

TITUS 3:8 Mawu Ofanana

MAZMUR 78:22

sin diá mopirisaya in mosia kon i Allah, kon kawasa-Nea inta mokosaḷamat kon i monia.

AMSAL 21:28

Sakusi inta mouboḷ in diábí pirisayaan; táe tosingogon in intau inta nonotaau in kinobobaḻí in pelekara, in tarimaanbí.

MATIUS 20:4

Dá sia in noguman kon i monia, ‘Bayádon in moiko bo pogaid kon gobá in anggurku, bain uboḻianku in moiko, podudui onu in kon ibogku ogoi kon inimu.’ Bo mosia tua in minayá doman bo nogaid.

YOHANES 12:44

Bo ki Yesus in nobaḷú, “Intau inta mopirisaya kon i-Nakó, sia tua in deemanbí mopirisaya kon i-Nakó, táe mopirisayabí kon i-Nia inta nopotabá kon i-Nakó.

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

OUMAN IN RASUL MITA 12:15

Intau mita kon tua in diábí nopirisaya nodapotbí in siningog monia nanaa in sia, “Degá bo binombuḷowbí in iko nion!” Táe ki Rode in umuran moguman kon totu-totuubí ki Petrus intua kon ḷuai. Dá kai monia doman, “Malaekatneabí intua!”

SURAT I PAULUS KON JAMAAT RUM 4:5

Táe oyúon in intau inta diábí tumogot kon usahanea tontaní; sia in moposarakanbí in kobiagan-Nea kon i Allah inta moposaḷamat kon intau mita baradosa. Dá pirisayaneabí tatua in nobaḻí dodoyonan pinotarimaan i Allah kon inia saḷaku intau inta mokosanang kon gina-Nea.

KORINTUS 2 4:13

Kon Buk Motusi in pinais nanaa, “Akuoi in mopirisaya, tuamai akuoi in mosingog.” Dá pirisayabí tatua in nobaḻí dodoyonan nami mosingog.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TIMOTIUS 1 1:15

Totuubí in singog tanaa, tuamai in patusbí tarimaan bo pirisayaan komintan: “Kon ki Kristus ain namangoi in dunia naa sin moposaḷamat kon intau baradosa.” Bo akuoibí naa in intau inta totok in binaradosa bo inta totok doman in moraat.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

TITUS 1:9

Sia in musti umuran kumadai moropot kon totundú inta mobanar, ná inta ain sinundú kon inia. Takin natua in sia motaau mononggina kon intau podudui kon totundú inta nobanar, bo mopoontong kon onu inta noitaḷá kon intau mita inta moḷawang kon inia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

PILEMON 1:11

Totuubí kon koḻipod sia naa in diábí baraguna kon inimu, táe tanaa in mobaraguna bidon in sia kon inimu, bo deemanbí tongá kon inimu, táe baragunabí domandon kon inakó.

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.