TITUS 3:15 - Alkitab Singog In Mongondow Masa In Tanaa

¹⁵ Ki utat mita naton inta noyotakinku kon naa nokipoyaput in salam kon inimu. Poyaputpa doman in salam nami kon yobayat mita naton inta mopirisaya kon i Kristus. Poigumon mako ki Tuhan naton in umuran mobogoi in barakat kon i monimu komintan. Horomat nami, Ki Paulus

TITUS 3:15 Mawu Ofanana

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

OUMAN IN RASUL MITA 20:34

Kinotaauan bidon monimu tontaní, kon akuoi in noramuji bidon tontaní motayak kon onu in pakéonku bo onu doman pakéon in yobayatku mita inta topobayáanku.

KORINTUS 1 16:23

Poigumon mako ki Tuhan Yesus in momarakat kon i monimu.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

KOLOSE 4:18

Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

PILEMON 1:5

Sin dinongogkudon kon iko in intaubí inta totu-totuu mopirisaya kon i Tuhan Yesus bo motabi doman kon umat i Allah.

IBRANI 13:25

Igumonku mako, ki Tuhan in umuran mobogoi in barakat kon i monimu komintan.

YOHANES 3 1:1

Ki utatku ki Gayus inta kinotabiku! Akuoi, tobatú itoi in jamaat inta totu-totuu motabi kon inimu,