TITUS 3:13 - Alkitab Singog In Mongondow Masa In Tanaa

¹³ Poramujidon totu-totuu in motuḷung kon i Zenas, ahli hukum tua, bo kon i Apolos, sinbá mosia in diá kodaitan in rupa-rupa kon binayáan monia.

TITUS 3:13 Mawu Ofanana

MATIUS 22:35

Bo tobatú kon sigad monia, inta totok in nonotaau kon hukum i Musa, noḻibó sin monungkuḷ kon i-Nia,

LUKAS 10:25

Noiduduimai kon tua, oyúon mototundú kon agama namangoi bo monungkuḷ kon i Yesus. Sia in noḻibó kon i Yesus, “Pak Guru, onu degá in musti aidanku sinbá akuoi mokouḻí kon kobiagan mopia bo mononoi?”

LUKAS 11:45

Tobatú mototundú kon agama noguman kon i Yesus nanaa, “Pak Guru, singog i Pak Guru tua in mokopooyábímai kon inami!”

LUKAS 11:52

Koboditodon in moiko mototundú mita kon agama! Sin kokunsi pobuká kon pongotahuan sinagúdon kon i monimu, táe moiko tontaní in diá moibog tumuot kon bonunea sin motayak kon pongotahuan tatua. Nodapot in moiko in tongábí mobaḻí ḷonggai kon intau mita inta moramuji tumuot kon bonunea!”

LUKAS 14:3

Dá ki Yesus in noḻibó kon mototundú mita kon agama bo intau mita in Parisi inta kon tua, “Aka podudui in agama naton, motaau degá andeka diá in mongundam kon intau notakit kon singgai in Sabat?”

LUKAS 7:30

Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

OUMAN IN RASUL MITA 18:24

Wakutu intua, noiangoi domandon kon Epesus in tobatú intau in Yahudi inta nongkon Aleksandria, ki Apolos in tangoinea. Sia naa in intau inta totok mopandoi mosingog bo totok in nonotaau kon bonu in Buk Motusi,

OUMAN IN RASUL MITA 19:1

Wakutu in ki Apolos kon Korintuspa, ki Paulus in koyogot domandon minaya-mayá mako in ḻipu-ḻipúannea inta totok nongoyayú kon daerah tatua bo sia in noiyaputdon kon Epesus. Kon tua noyodungkuḷ in sia in tongonumai intau inta nopirisayadon kon i Yesus.

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.

OUMAN IN RASUL MITA 28:10

Kami i horomat totok monia in kon tua bo naonda in kami nobuatdon nongkon tua yagi-yagidon inogoi monia inta paraḷu pakéon nami.

SURAT I PAULUS KON JAMAAT RUM 15:24

Igumonku mako aka kon binayáanku mopobayá in Spanyol, yo moiandupa in akuoi kon tampat monimu bá moyodungkuḷpa in kita takin pia in gina umpaka diá moonggot. Mopaḷut mako kon tua haraponku moiko in motaaupa motuḷung kon inakó mongingguput kon bobayáanku mopobayá in Spanyol.

KORINTUS 1 16:11

Ḷukadai sinbá diá in kon sigad monimu in mopoompámai kon inia. Bo tuḷungai in sia sinbá motaaupa bui mamangoi kon inakó takin mosaḷamat, sin akuoi in mogoḷat mako kon koangoiannea takin i utat mita naton ibanea.

KORINTUS 1 16:12

Aka soaḷ ki utat naton ki Apolos, yo ain binui-buikumai inanjur sinbá sia bo takin utat mita ibanea mamangoipa mokipodungkuḷ kon i monimu. Táe doípa in sia tanaa mako tongá aka oyúon in kasampatan mopia yo tantú sia in mamangoibí mokipodungkuḷ kon i monimu.