TITUS 2:8 - Alkitab Singog In Mongondow Masa In Tanaa

⁸ Kopiaan in mosingog, dika mongonguman kon uboḷ, sinbá saturumu mita in mooyá sin diá in soaḷ mita inta diá mopia in motaau monia posingog kon i naton.

TITUS 2:8 Mawu Ofanana

NEHEMIA 5:9

Bo Gumanku bui, “Aidmu tua in diábí mopia! Mustibí in moiko mobiag takin motoguondok kon i Allah. Dá musung naton inta diá ko Tuhan tua in diá ogoian monimu in kasampatan moningkuḻe kon inaton.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

MARKUS 12:17

“Dá aka natua,” kai Yesus, “ogoi kon i Kaisar onu in nobaḻí kapunyaan i Kaisar, bo ogoi kon i Allah onu in kapunyaan i Allah.” Mosia in nongoherang nokodongog kon singog-Nea tatua.

MARKUS 12:28

Bo namangoidon tobatú mototundú kon agama nokidongog kon pinongonguman i Yesus bo in intau mita inta nongkon golongan Saduki tatua. Mototundú kon agama tatua nokoontong kon mopiabí totok in pinotubag i Yesus kon intau mita tatua. Dá sia in noḻibó kon i Yesus, “Degá parenta taonda in paling moponting nongkon bayongan parenta?”

MARKUS 12:32

Dá kai mototundú kon agama tatua, “Noitutui totok intua Pak Guru! Totuubí in guman-Mu: Tongábí tobatú in Tuhan, Sia tuata in ki Allah, bo diábí ibanea mako.

MARKUS 12:34

Inontong i Yesus in mototundú kon agama tatua mopiadon in pototubagnea. Dá ki Yesus noguman kon inia, “Iko in motoyongdon mobaḻí anggota in umat i Allah.” Nopaḷut mako kon tua diádon tobatúmai intau nokobaḻí mopoḻibó-ḻibó kon i-Nia.

LUKAS 13:17

Nokodongogmai kon singog i Yesus natua, bayongan intau kon tua inta mosaturu kon i-Nia komintan nongooyá; táe ibanea mako in totokbí in nopia gina in nokoontong kon oaid mokoherang inta inaidan-Nea tatua.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

TIMOTIUS 1 5:14

Tuamai ibogonku, intau boba-bobay inta nomudapa buidon mokipobuḷoi, sinbá buidon mokouḻí kon adí kon tonibuḷoinea, bo tongádon in sia monompia kon i adínea inta kon bonu in tonibuḷoinea tatua, sinbá intau mita inta mosaturu kon inaton in diádon moporomu-romúmai kon tangoi naton.

TIMOTIUS 1 6:3

Aka ki ine in motundú kon totundú tolaeng inta diá notongkai in totundú inta sinundú naton bo doí doman kon totundú mobanar inta nongkon i Yesus Kristus Tuhan naton, bo inta pinobayá in agama naton,

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 2:15

Sin ibogon i Allah bá oaid monimu inta mopia tua in momompon kon bibig in intau inta tongá kinosingo-singognea.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.