TITUS 1:5 - Alkitab Singog In Mongondow Masa In Tanaa

⁵ Uḻe Titus, sinuodkubí sinaḷáan in iko kon Kreta sinbá mopoyotutui kon onu inta paraḷupa poyotutuion. Ná doman tua, bá iko in momiḻídon kon intau mita inta motaau baḻíon itoi kon bonu in jamaat inta kon kotá-kotáannea. Umurai tarukira in singogku mita tanaa:

TITUS 1:5 Mawu Ofanana

TAWARIKH 1 6:32

Mosia in mopobayá in oaidan monia moyo-moyoḷuan kon Ḷoḷaigan i Tuhan kon dodai in ki Datu Salomo diápa noposindog in Baḷoi Tuhan.

MOHOHUTUBA 12:9

Ki Inta Momomikir tua in moarip bo mobijaksana. Tuamai in sinundúnea kon umat in bayongan pongotahuannea. Mobayong in amsal in binalajarnea bodongka tungkuḷannea mongo totuu.

YESAYA 44:7

Ki ine in ná Akuoi? Pokipongakuaidon in sia! Pomayádon mako in sia mopotaau bo moponiata kon i-Nakó! Ki ine in nonoḻindapdon kon onu in mobaḻí kon singgai moiduduimai nongkon pinomangkoian nodapot in singgai imbuitnea?

IMAMAT 14:42

Bo batu mita inta pinoḷuai tatua musti toḻiuan in batu mita inta mobagu. Bayongan dinding in baḷoi tatua musti bui pelesteron toimbaguon.

OUMAN IN RASUL MITA 11:30

Dá notobatú doman kon gina in mosia, bo nosipun kon totuḷung ogoi kon penatua mita. Totuḷung mita tatua inogoi pinoki dia monia kon i Barnabas bo kon i Saulus.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

OUMAN IN RASUL MITA 2:11

oyúon in intau mita in Yahudi; bo oyúon doman intau nongkon ḻipú ibanea inta sinumuotdon kon agama Yahudi. Oyúon doman in intau inta namangoi nongkon Kreta bo Arab. Dinongogdon naton komintan in mosia tua in nosingog takin nomaké in bahasa naton, bo nopotaau in soaḷ mita mokoherang inta inaidan i Allah!”

OUMAN IN RASUL MITA 27:12

Totubuan kapaḷ tatua in diá doman mopia pongandupan kon sempo in tumping. Tuamai in moantó in intau kon kapaḷ tatua in noguman kai monia in maníka bo diá mongandup bo momakisadon mayá modapot in Peniks bo kon tuapa in kon dodai in sempo in tumping naa. Peniks tua in totubuan kapaḷ kon Kreta inta noitayow in toyopan barat daya bo barat laut.

OUMAN IN RASUL MITA 27:13

Wakutu intua tompot nongkon Toḷatan mogirup táe monyangkópabí, dá kai monia kamai yo motaau bidon mayá in kapaḷ. Dá binuatdon monia in jangkar bodongka pinobayá in kapaḷ táe nongin bingkí totok in pintad in pulau Kreta.

OUMAN IN RASUL MITA 27:21

Aindon tongonumai nosinggai mosia in diá nongaa-ngaan. Dá ki Paulus in sinimindog kon yua-yuak monia bo nosingog, “Utat mita! Aka kuma bo dinuduian monimu in tongginaku kon donaaipa tumurus in kita kon Kreta, yo tantú diábí in kita nokorasa kon roriga bo karugian nanaa.

OUMAN IN RASUL MITA 27:7

Ain tongonumai nosinggai in kapaḷ inta sinakoian nami in minayá táe totok i mooḷoi. Totokdon iyumoyiga in kami sahingga in pangabisannea kami kodiug-kodiugdon kon kotá in Knidus. Táe tompot in umuran diá mopia, dá kami in nongin bingkí in pulau Kreta sinumaḻib kon Tanjung Salome.

KORINTUS 1 11:34

Bo munapa mongaan kon baḷoi in batangan, sinbá diá ḷagi gogoyon. Sin aka mosi duduian in moiko, yo ibada monimu tua in mopiabí. Diábí mokouḻí kon hukuman i Allah in moiko. Tongápabí naa in insilanganku kon i monimu, ibanea mako in bain moiangoi bui akuoi.

KORINTUS 1 14:40

Tua komintan in musti aidan kopiaan bo kotompiaan.

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

KOLOSE 2:5

Sin umpakabí kita nogiyayúan, táe anggapdon in akuoi nionbí kon yua-yuak monimu. Bo mopiabí totok in ginaku in mokoontong kon i monimu motobatú kon gina bo umuran moropot in pirisaya monimu kon i Kristus.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

TITUS 1:12

Nokoimontandon in nabi monia inta nongkon ḻipú doman monia in nosingog nanaa: “Intau mita in Kreta umuran monguboḷ, naonda bo mahaḷuk inta mokokaan kon tumpaḷa mahaḷuk, moturá táe maḷat.”