TITUS 1:16 - Alkitab Singog In Mongondow Masa In Tanaa

¹⁶ Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

TITUS 1:16 Mawu Ofanana

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

AMSAL 30:12

Oyúon in intau in tumangoi motusi in sia bokaka totokbí in moromú in sia.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YESAYA 58:2

Mosia in mosumba kon i-Nakó pomuḷoi in singgai, bo moibog monotaau kon ibog-Ku, naonda bo moibog in mosia mogaid kon inta mopia, bo motoindudui kon hukum-Ku. Mosia in moguman kon mosanang in gina monia in mosumba kon i-Nakó bo moibog in hukum-Ku inta moadil.”

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 5:2

Moiko in moguman kon moiko in mosumba kon Tuhan, bokaka deemanbí natua in makusud monimu.

YEREMIA 6:30

Mosia in tangoianbí saḷaka iḷumbú, sin Akuoi, ki Tuhan, ain noḷumbú kon i monia.”

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

PINOGIAPAN 24:16

inta ain nokodongog kon tosingogon mita i Allah, bo inta notaau monotaau kon i Inta Totok in Moḷantud inta pinoki pogontongan i Inta Totok Mokawasa kouḻi-uḻid tongá kobuka-buká in mata.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

TIMOTIUS 1 1:9

Tantú mustibí kotaauan naton kon hukum i Musa in pinomia deemanbí pinopomakusud kon intau mita inta mopia, táe kon i moniabí inta moibog momaḷawang kon hukum, kon i monia inta moraat, kon i monia inta diá mopirisaya kon i Tuhan, kon i monia inta umuran mogaid kon inta noitaḷá, kon i monia inta tongá umuran morai kon in dunia naa, kon i monia inta diá nonotaau in agama, kon i monia inta moḷoḻimod kon guyanga ḷoḷaki bo bobay, bo inta kino ḻimo-ḻimodnea kon intau,

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

TIMOTIUS 2 3:17

Takin Buk Motusi tatua bayongan intau inta nogaid kon oaidan i Allah in sinompobaḷunan in totabi kon i monia modapot in mosompurna sinbá motaaudon mogaid kon bayongan inta mopia.

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

YOHANES 1 2:4

Intau inta mongaku, “Akuoi in nonotaau kon i Allah,” táe diá dinumudui kon parenta-Nea mita, yo mouboḷ in intau tatua, bo ki Allah in doíbí mogutun kon bonu in ginanea.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.

SAMUEL 1 15:24

Nokodongogmai kon natua, ki Saul nongaku kon i Samuel, kainia, “Totuubí uḻe kon akuoi ain binaradosa. Akuoi ain iḻimimpat kon parenta i Tuhan bo diádon dinumudui kon totundú i Amá. Akuoi in moondok kon intauku dá dinuduiankudon onu in pinoigum monia.