TITUS 1:14 - Alkitab Singog In Mongondow Masa In Tanaa

¹⁴ diádon tongá umuran mokidongog kon ouman mita in intau Yahudi bo hukum in intau mita inta doí motarima kon inta moitutui.

TITUS 1:14 Mawu Ofanana

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

MARKUS 7:7

Diá in mangaḻe in posumbaan monia kon i-Nakó, aka atorang intau yo tundúon monia naonda bo atorang-Ku intua!’

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

KOLOSE 2:22

Bayongan atorang tatua in soaḷbí mita inta naonda in pakéon yo diádon in baragunanea. Tua in tongábí atorang bo totundú mita inta pinomia in intau.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

TITUS 3:11

Bá kotaauanmudon, kon intau mita natua in totu-totuu bidon moromú bo dosanea mita in noponiatadon kon inia kon kotaḷá in sia.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

PETRUS 2 2:22

Singog moiduduimai naa noyokaan totok in oaid monia tua, “Ungkú mokaanbí bui kon totukanea, bo boké inta ain ininggúan kinodarit buibí doman in sia mayá ḷumobong kon bonu in yoná.”