TITUS 1:10 - Alkitab Singog In Mongondow Masa In Tanaa

¹⁰ Sin nobayongdon in intau nobiag diá noitutui, torutama mosia inta nokadai kon hukum i Musa. Mosia mongonguman kon diá totuu sin makusud monguboḷ kon intau.

TITUS 1:10 Mawu Ofanana

MATIUS 23:14

Koboditodon in moiko, mototundú mita kon agama bo intau mita in Parisi: Moiko in intau mita inta mongomunapik. Moiko monguboḷ kon intau mita inta dongkadon boba-bobay bo mogagow kon baḷoi monia. Moiko in mosambayang koḷanggo-ḷanggóon sin ponaḷob kon oaid monimu inta moraat tatua. Tuamain hukuman i Allah kon i monimu in pastibí kon moboga-bogat nongkon intau ibanea!]

OUMAN IN RASUL MITA 11:2

Dá naonda in ki Petrus minayá in Yerusalem, sinorúan monia in sia.

OUMAN IN RASUL MITA 15:1

Tongonumai in intau nongkon Yudea in namangoi in Antiokhia bo notundú kon intau mita inta mopirisaya kon i Yesus. Mosia in noguman kon aka mosia bo diá sunaton ná inta pinarenta kon hukum i Musa, yo diábí mosaḷamat.

OUMAN IN RASUL MITA 15:24

Aindon dinongog nami kon oyúondon in intau nongkon sigad nami in namangoi kon i monimu bo mongacau poḷat mopoyaying in pirisaya monimu. Bokaka mosia tua in diábí pinotabá nami.

OUMAN IN RASUL MITA 20:29

Kotaauankubí kon naonda in akuoi mayá, intau mita moraat inta moibog momoguyaat kon tomayá i Allah in mamangoi kon yua-yuak monimu. Bo diábí in tabi monia tua in momogutú kon umat i Allah.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

GALATIA 3:1

Utat mita intau in Galatia! Moiko nion in totuudon mobodok! Ki ine degá in nopongaru kon i monimu? Eta kinoḻiongandon monimu inta pinogumanku kon tayowonmai monimu. Akuoi in noguman kon ki Kristus aindon pinopopakú kon kayu pinoyotaḻempang!

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

TIMOTIUS 1 1:4

Poguman kon i monia kon donaaibí tongá umuran monarukiramai kon ouman mita inta diá totuu bo soaḷ ouman kinobaḻian inta diá in gogainea. Tua komintan in tongábí mokopomuká kon ropatoi inta diá in baragunanea bo deemanbí inta mokobiag motompia podudui in kasaḷamatan inta inogoi i Allah kon intau inta mopirisaya kon i-Nia.

TIMOTIUS 1 1:6

Sin oyúon intau in diádon nobiag natua, bo dongkadon tantú mobobayowan kon soaḷ inta diá in baragunanea.

TIMOTIUS 1 1:9

Tantú mustibí kotaauan naton kon hukum i Musa in pinomia deemanbí pinopomakusud kon intau mita inta mopia, táe kon i moniabí inta moibog momaḷawang kon hukum, kon i monia inta moraat, kon i monia inta diá mopirisaya kon i Tuhan, kon i monia inta umuran mogaid kon inta noitaḷá, kon i monia inta tongá umuran morai kon in dunia naa, kon i monia inta diá nonotaau in agama, kon i monia inta moḷoḻimod kon guyanga ḷoḷaki bo bobay, bo inta kino ḻimo-ḻimodnea kon intau,

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

TITUS 1:6

Intau inta baḻíon itoi kon jamaat in mustibí intau inta mopia; bo tongá kobuḷoi kon tobatú; bo ki adínea mita mustibí inta komintandon nopirisaya kon i Kristus bo diá doman mokaḷakuang, bo moibog doman mokidongog kon guyanga.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.

YOHANES 1 2:4

Intau inta mongaku, “Akuoi in nonotaau kon i Allah,” táe diá dinumudui kon parenta-Nea mita, yo mouboḷ in intau tatua, bo ki Allah in doíbí mogutun kon bonu in ginanea.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

WAHYU 2:6

Tongá oyúonpabí doman in mopia kon inimu: Kinodoí monimu oaid in dumodudui mita i Nikolaus, inta kinodoí-Ku doman.