TESALONIKA 2 3:9 - Alkitab Singog In Mongondow Masa In Tanaa

⁹ Deemanbí popisí in diá in hak nami mokituḷung kon i monimu, táe ibogon nami bá moiko in dumudui kon aid nami.

TESALONIKA 2 3:9 Mawu Ofanana

MATIUS 10:10

Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

YOHANES 13:15

Akuoi ain nobogoi in toḷadan kon i monimu, sinbá aidan domandon monimu onu inta ain inaidan-Ku kon i monimu.

KORINTUS 1 4:16

Tuamai poigumonku, moiko in umuran dumayan kon kobobiagku.

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.

TESALONIKA 1 2:6

Bo diábí doman dodai onda in kami moramuji sinbá duíon monimu ande duíon in intau ibanea. Umpaka sabanarnea motaaubí aidan nami intua, sin kami in rasul i Kristus, bo motaaubí doman tuntuton nami kon i monimu.

TESALONIKA 2 3:7

Kinotaauan bidon monimu, kon musti dumudui in moiko kon aid nami. Kami in diábí tongá mosiug mako wakutu in koyua-yuakpa monimu.

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.