TESALONIKA 2 3:7 - Alkitab Singog In Mongondow Masa In Tanaa

⁷ Kinotaauan bidon monimu, kon musti dumudui in moiko kon aid nami. Kami in diábí tongá mosiug mako wakutu in koyua-yuakpa monimu.

TESALONIKA 2 3:7 Mawu Ofanana

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.

TESALONIKA 2 3:9

Deemanbí popisí in diá in hak nami mokituḷung kon i monimu, táe ibogon nami bá moiko in dumudui kon aid nami.

KORINTUS 1 4:16

Tuamai poigumonku, moiko in umuran dumayan kon kobobiagku.

KORINTUS 1 11:1

Duduiaidon onu in inaidanku, ná doman akuoi dinumudui kon onu inta inaidan i Kristus.

PILIPI 3:17

Utat mita! Duduiai in onu inta ain inaidanku bo tarukira in mosia inta nobiag naonda bo kami inta ain nobaḻí dodayanan kon i monimu.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

PILIPI 4:9

Aidaidon onu inta ain binalajar bo sinarima monimu kon inakó; bo onu inta ain dinongog andeka inta ain inontong monimu kon inakó aidai intua. Dá ki Allah inta pangkoi in kopiaan umuranbí kotaki-takin monimu.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

AMSAL 31:18

Kinotaauanneabí kon bayongan yagi-yagi inta inaidannea, mokountungbí; sia in mogaid modapot in moonggot kon doḷom.