TESALONIKA 2 3:2 - Alkitab Singog In Mongondow Masa In Tanaa

² Bo umuraibí doman sambayangai sinbá kami in posaḷamaton i Allah nongkon kawasa in intau mita inta mopotombauk bo moraat, sin diábí komintan mopirisaya in intau kon habar nongkon i Tuhan tua.

TESALONIKA 2 3:2 Mawu Ofanana

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

LUKAS 18:8

Popirisayabí: tuḷungan-Neabí in mosia! Táe aka Adí Intau mamangoi, yo oyúonpa degá in intau mopirisaya in kon dunia naa?”

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 14:2

Táe intau mita in Yahudi inta doí mopirisaya, totokdon in mopongaru kon intau mita inta deeman Yahudi, dá nomukádon yaat in gina i intau mita tatua kon bayongan intau inta mopirisaya kon i Yesus.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 25:27

Sin podudui in raianku in diábí mopia aka mogatod kon tobatú intau inta i hukum bo diá kotaki-takin in onu inta nobaḻí kinodoyonan in taḷá mita inta pinonapud kon inia.”

OUMAN IN RASUL MITA 28:24

Oyúon doman in mopirisaya kon onu inta pinogumannea tatua, táe oyúon doman in umuran diá mopirisaya.

SURAT I PAULUS KON JAMAAT RUM 10:16

Táe diábí komintan intau in motarima kon Habar Mopia tatua. Sin ki Nabi Yesaya in noguman, “Tuhan ki inebí in mopirisaya kon habar inta pinoyaput nami?”

SURAT I PAULUS KON JAMAAT RUM 15:31

Sambayangaidon sinbá pilatandon i Allah in akuoi nongkon kawasa in intau mita kon Yudea inta diá mopirisaya bo bá oaidanku in modia kon totuḷung kon Yerusalem tarimaan in umat mita i Allah kon tua takin sanang in gina.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

ULANGAN 32:20

Guman-Nea, ‘Akuoi in doí bidon motuḷung kon i monia bui; umpakabí indoian-Kudon mako in kororiga monia. Sin bangusa tatua motontogat in gina bo beresibí diá motoindudui.

TESALONIKA 1 2:18

Kami in nonomayádon mamangoi mokipodungkuḷ kon i monimu; kotongonumaidon degá nonungkuḷ táe umuran ḷamboian Ibilis in tomayá nami tatua.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.