TESALONIKA 2 2:9 - Alkitab Singog In Mongondow Masa In Tanaa

⁹ Intau moraat tatua in mamangoi takin kawasa moḷoben nongkon Ibilis. Intau tatua in mogaid doman kon bayongan oaidan inta mokoherang bo inta mongotoyang táe nopuḻing in uboḷ.

TESALONIKA 2 2:9 Mawu Ofanana

TAWARIKH 2 18:20

Imbuitnea namangoidon in tobatú dimukud. Dinimiug in sia kon i Tuhan bo noguman, ‘Akuoibí in modondouḷug kon inia.’ ‘Naonda in podondouḷugmu?’ iḻibó i Tuhan.

IḶUAIAN 7:22

Táe intau mososihir mita kon Mesir nomia doman kon natua takin pongotahuan monia, dá ki datu tantú mokopotontogatpa doman kon gina. Ná inta ain pinoguman muna i Tuhan, kon datu in doí mokidongog kon i Musa bo kon i Harun

IḶUAIAN 8:18

Mososihir mita moramuji doman mopomaké in sinotaau monia sin mopoangoi doman in yongit mita, táe diá nokoaid in mosia. Kon bayongan tampat komintan oyúon in yongit,

IḶUAIAN 8:7

Táe mososihir mita nomaké doman in sinotaau monia, bo pinomia doman monia in tumpaḷak mita nongoitukat nongkon butá tatua.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

MATIUS 12:22

Onda intua diniadon kon i Yesus in intau inta kinotoḷangan in dimukud moraat. Intau tatua bilog bo bobó sia inundaman i Yesus, dá nokosingog bo nokoontongdon.

MATIUS 24:24

Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

LUKAS 11:25

Bo sia in minayádon bui. Kinobayáanneamai yo baḷoi tatua in nodaritdon sin ain sinimpatan bo totok doman sinompia kinopira.

YOHANES 4:48

Ki Yesus in noguman kon pogawai in komaḻig tatua, “Aka moiko bo diá nokoontong kon inta mokoherang mita, yo tantú diábí in moiko mopirisaya.”

YOHANES 8:41

Moiko in mogaidbí kon onu inaidan i amá monimu tontaní.” Táe mosia in notubag, “Kami naa in deemanbí adí kon boyot. Ki Amá nami in tongábí tobatú, Sia tua in ki Allah tontaní.”

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

KORINTUS 2 11:14

Diábí mokoherang in oaid monia tua, sin ibilispa in nongaku doman saḷaku malaekat in bayag!

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

TIMOTIUS 2 3:8

Sahingga in mosia tua naonda bo ki Yanes bo ki Yambres tungkuḷ intua inta umuran moḷawang kon i Musa. Natua doman in oaid in intau mita tatua umuran moḷawang kon totundú inta nongkon i Allah. Raian monia tua in nogoguyaatdon bo pirisaya monia tua in diádon tongo onu.

YAKOBUS 3:15

Kabijaksanaan natua in deemanbí nongkon soroga. Tua in nongkon duniabí, nongkon ibog in intau, bo nongkon dimbuḷó!

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).